Fota: «Baza»
Jak piša kanał Fighterbomber, tort i skrynku z ałkaholem dastavili na 20-ju hadavinu vypusku z vučylišča. Chto heta zamoviŭ, spačatku było nieviadoma, tamu tort jeści nie stali (choć i paśpieli razrezać), a vyrašyli spačatku daviedacca, chto ž jaho prynios. Pavodle danych kanała, paźniej akazałasia, što adrazu paśla dastaŭki kurjer chutka źjechaŭ z Armavira i paśla hetaha kupiŭ bilet na samalot. Usio heta vyklikała jašče bolš padazreńniaŭ.
Dastaŭščyka zatrymali — jon akazaŭsia vychadcam ź Mielitopala. Paźniej jon nibyta pryznaŭsia, što tort byŭ atručany, taksama jak i niekalki butelek ałkaholu.
Krynicy kanała «Baza» siarod udzielnikaŭ mierapryjemstva taksama raspaviadajuć viersiju pra sprobu atručvańnia. Pa słovach krynic, tort i napoi byli dastaŭlenyja kurjeram u restaran ranicaj 21 kastryčnika, kali tam jašče nie było nikoha z vypusknikoŭ lotnaha vučylišča.
Pry hetym, pavodle danych krynic «Bazy», u aeraporcie Staŭrapala 21 kastryčnika na zapyt armavirskich apieratyŭnikaŭ sapraŭdy byŭ zatrymany ŭradženiec Mielitopala, 32-hadovy Siamionaŭ Je. Jon sprabavaŭ vylecieć u Maskvu dzionnym rejsam. Cikava, što ŭ vyšuk jon byŭ padadzieny 21 kastryčnika pa artykule 162 KK RF «Razboj». Adnak heta mahło było zroblena tamu, što nie było nijakich dokazaŭ jaho datyčnaści da zdareńnia. Paśla zatrymańnia pa jaho pryjechali apieratyŭniki z Armavira.
Pavodle źviestak «Bazy», ciapier apieratyŭniki šukajuć kandytaraŭ i inšych datyčnych da niaŭdałaj dyviersii. Aficyjnych paćviardžeńniaŭ hetaj infarmacyi niama.
