Deputaty ŭ druhim čytańni pryniali zakonaprajekt «Ab źmienie kodeksaŭ». Siarod inšaha tam prapisali normy dla padletkaŭ, jakija chočuć pracavać na siabie, paviedamlaje BiełTA.
Tak, pa dasiahnieńni 16 hadoŭ ź piśmovaj zhody adnaho z zakonnych pradstaŭnikoŭ padletak zmoža zajmacca pradprymalnickaj dziejnaściu, a taksama dziejnaściu, jakaja nie adnosicca da pradprymalnickaj u adpaviednaści z Hramadzianskim kodeksam ci inšymi zakanadaŭčymi aktami.
Ciapier adkryvać IP možna tolki z 18 hod.
U Hramadzianski kodeks unieśli taksama źmieny, zhodna ź jakimi niepaŭnaletni va ŭzroście ad 14 da 18 hadoŭ maje prava biez zhody zakonnych pradstaŭnikoŭ vystupać układčykam pa dahavory bankaŭskaha ŭkładu (depazitu), a taksama ŭładalnikam biahučaha (raźlikovaha) bankaŭskaha rachunku fizičnaj asoby z bazavymi ŭmovami absłuhoŭvańnia (zvyčajna dla atrymańnia stypiendyi, dapamohi, zarobku).
«Heta značyć, vyklučana mahčymaść adkryćcia niepaŭnaletnim inšych biahučych (raźlikovych) bankaŭskich rachunkaŭ z bolš šyrokim śpiektram, jakija praduhledžvajuć vydaču bankaŭskich płaciežnych kartaŭ, biez zhody zakonnaha pradstaŭnika», — adznačyła deputatka Śviatłana Lubieckaja.
