Fota: orsha.vitebsk-region.gov.by
Praktyčna na haradskoj uskrainie, na niezabudavanaj pustcy, maje raźmiaścicca ceły kompleks budynkaŭ na płoščy kala 3 ha. Adnačasova zajmacca ŭ centry zmohuć kala 100 navučencaŭ.
U vajskova-patryjatyčnym centry, anałahaŭ jakomu niama ŭ Viciebskaj vobłaści, a mahčyma, i va ŭsioj Biełarusi, źbirajucca pravodzić «padrychtoŭčyja zaniatki ź dziećmi i moładździu Aršanskaha rajona, a pry nieabchodnaści, z terytaryjalnymi vojskami rajona, supracoŭnikami RUUS, HRANS, vajskovymi kamisarami rajonaŭ Viciebskaj vobłaści», piša «Aršanskaja hazieta».
Miesca pad budaŭnictva. Fota: https://www.orshanka.by/
Aproč hetaha, tam buduć akazvać i kamiercyjnyja pasłuhi hramadzianam — pa navučańni stralbie sa strałkovaj i palaŭničaj zbroi. Dla adpracoŭki hetaha navyku ŭ hałoŭnym budynku budzie raźmieščany cir z dystancyjaj stralby na 10, 25, 50, 100, 150 mietraŭ, taksama ŭ im buduć navučalnyja kabiniety i administracyjnyja pamiaškańni.
Fota: orsha.vitebsk-region.gov.by
Na terytoryi centra, pavodle prajekta, abstalujuć KPP, majsterniu, plac, taktyčnaje pole z pałasoj pieraškod i dźvie aŭtamabilnyja parkoŭki (dla naviedvalnikaŭ centra i dla słužbovaha aŭtatranspartu). Praduhledžana i ŭparadkavańnie prylehłaj terytoryi.
Fota: orsha.vitebsk-region.gov.by
Novy abjekt, jaki maje poŭnuju nazvu «Ustanova adukacyi «Aršanski vajskova-patryjatyčny centr dla dziaciej i moładzi», maje źjavicca ŭ Oršy praz 15 miesiacaŭ. U apisańni prajekta havorycca, što jon raspracavany «na asnovie ŭkaza prezidenta Respubliki Biełaruś №160 «Ab raźvićci vajskova-patryjatyčnych kłubaŭ».
Fota: orsha.vitebsk-region.gov.by
Mienavita ŭ Oršy byŭ stvorany adzin ź pieršych u Biełarusi vajskova-patryjatyčnych kłubaŭ — pravasłaŭny vajskova-patryjatyčny kłub «Rusičy». Jaho stvaryŭ 35 hadoŭ tamu pry Aršanskim politechničnym kaledžy niaźmienny kiraŭnik Ryhor Šaraj, viadomy svaimi prarasijskimi pohladami. Kłub «Rusičy» stvaraŭsia jak pošukavy, ale potym, pavodle sučasnaj ideałahičnaj mody, staŭ «vajskova-patryjatyčnym» i «pravasłaŭnym».
Čytajcie taksama:
«Advažna vyjšli na pieradavuju»: jak «Patryjoty Biełarusi» vučać školnikaŭ lubić krainu
