Raniej pravasłaŭny śviatar i błohier Pavieł Astroŭski źviarnuŭ uvahu, što na kupiury namalavany «minaret z paŭmiesiacam, a kupał pravasłaŭnaha chrama biez kryža».
Padtrymała aktyvista i aficyjnaje kiraŭnictva Ruskaj pravasłaŭnaj carkvy. Da adboru malunkaŭ na kupiurach varta padychodzić bolš staranna, kab nie stvarać napružańnia tam, dzie jaho całkam moža nie być, napisaŭ u telehram-kanale kiraŭnik adździeła RPC pa ŭzajemadziejańni sa ŚMI Uładzimir Lahojda.
Na adnym baku tysiačarublovaj kupiury, jakaja vyklikała hety skandał, adlustravanyja słavutaści Nižniaha Noŭharada, a na advarotnym — muziej u Ufie i dźvie słavutaści Kazani — vieža Siujumbikie i muziej historyi dziaržaŭnaści tatarskaha naroda i Tatarstana. Abodva kazanskija abjekty raźmieščanyja na terytoryi Kramla, pryčym muziej — u budynku byłoj pałacavaj carkvy, na jakoj ciapier niama kryža. Vyjava hetaha budynka akurat i vyklikała niezadavalnieńnie pravasłaŭnych aktyvistaŭ i kiraŭnictva RPC.
U toj ža čas ź situacyi nie praminuli pakpić i karystalniki tvitara, źviarnuŭšy ŭvahu na jašče adnu idejna niazručnuju akaličnaść, jakuju pry žadańni možna ŭhledzieć na vyjavie. Maŭlaŭ, taja vulica, jakaja patrapiła na malunak pry vyjaŭleńni słavutaściaŭ Nižniaha Noŭharada, nazyvajecca Zialenski źjezd, a heta značyć, što na kupiury prysutničaje Zialenski.
Čytajcie taksama:
U bara z chamskim absłuhoŭvańniem nasuprać KDB, zdajecca, prablemy. Pastarałasia Bondarava
«Unieśli karekciroŭki ŭ kantent». Błohiera-miljońnika Dzim Dzimyča vyklikali ŭ Ministerstva kultury
