Prastora.by śpiecyjalizavałasia na biełaruskamoŭnaj pradukcyi, u tym liku na suvienirach
Prakuratura paviedamlaje, što na hetym resursie pradavalisia knihi, uklučanyja ŭ śpis ekstremisckich materyjałaŭ.
U taki śpis ciapier uklučajuć knihi, mastackija i navukovyja, dzie nie padtrymlivajecca dziaržaŭnaja ideałohija abo zhadvajucca niazručnyja dla režymu padziei ci piersanažy. Tak, ekstremisckimi byli pryznanyja kniha Uładzimira Arłova i Paŭła Tatarnikava «Ajčyna: Malaŭničaja historyja. Ad Rahniedy da Kaściuški» (2016 hoda vydańnia), «Bałada pra maleńki buksir» Iosifa Brodskaha, vypušačanaja vydaviectvam «Januškievič», «Karotki kurs historyi Biełarusi IX—XXI stst.» Anatola Tarasa, «Vajennaja historyja Biełarusi. Hieroi. Simvały. Kolery» Viktara Lachora i inšyja.
Što kankretna z hetaha fihuravała na «Prastory», nie paviedamlajecca.
Varta adznačyć, što sajt Prastora.by užo peŭny čas, chiba što ad 2018 hoda, nie pracavaŭ jak krama. Nijakich knižak tam niamožna było nabyć. Jaho zabłakavali za toje, što było vitrynaju raniejšaje dziejnaści.
