Fota: «Biełaruśfilm»
«Biełaruśfilm» płanuje vypuścić niekalki premjer u 2024 hodzie. Pra ich na pres-kanfierencyi ŭ Nacyjanalnym pres-centry raspavioŭ dyrektar kinastudyi Juryj Alaksiej, paviedamlaje Reform.by.
Pavodle jaho słoŭ, zdać film «Čorny zamak Alšanski» pa tvory Uładzimira Karatkieviča płanujuć u krasaviku 2024 hoda. Ciapier idzie mantaž i hukavoje afarmleńnie filma.
Jašče adnoj premjeraj nastupnaha hoda budzie stužka «Kaźbiek» pra partyzanaŭ i pačatak apieracyi «Bahracijon». Jaje źbirajucca vypuścić 9 maja 2024 hoda.
Taksama ŭ novym hodzie vyjdzie film «Kinošniki» Kiryła Chaleckaha. Jaho płanujuć pakazać na kinafiestyvali «Listapad».
Kinastudyja taksama prezientuje stužki pra Biełaviežskuju pušču i Biarezinski bijaśfierny zapaviednik.
«Z dapamohaj animacyi ŭ hulniavoj formie my raskažam małodšamu pakaleńniu ab miemaryjałach i simvałach našaj krainy. Tak my zmožam farmavać śviadomaść našych dziaciej», — rastłumačyŭ Alaksiej.
U dalejšych płanach studyi film pra lotčykaŭ Andreja Ničyporčyka i Mikitu Kukanienku, jakija raźbilisia ŭ mai 2021 hoda ŭ Baranavičach.
Čytajcie taksama:
Pahladzieli film «Na inšym bierazie». Raskazvajem siužet i toje, što pabačyli ŭ kinateatry
«Jaho prosić narod». «Biełaruśfilm» zdymie kino pra padziei 2020 hoda
