Płyŭčycha Anastasija Škurdaj. Fota: NAK
Taksama na mižnarodnyja turniry dapuščany hałoŭny trenier zbornaj Biełarusi Andrej Lipnicki, paviedamlaje «Presboł».
Jašče ŭ pačatku vieraśnia Mižnarodnaja fiederacyja vodnych vidaŭ (World Aquatics) zaćvierdziła kryteryi dla ŭdziełu rasijskich i biełaruskich spartsmienaŭ u niejtralnym statusie, ale tolki ŭ asabistych spabornictvach i maksimum pa adnym płyŭcy na kožnuju dystancyju.
«Indyvidualnym niejtralnym spartsmienam budzie dazvolena ŭdzielničać tolki ŭ spabornictvach, dzie čas abo vynik vyznačajucca vystupleńniami adnaho spartsmiena. Maksimum adnamu niejtralnamu spartsmienu z Rasii i adnamu ź Biełarusi na adnu dystancyju budzie dazvolena ŭdzielničać u mižnarodnych spabornictvach pa vodnych vidach sportu», — skazana ŭ pres-relizie Fiederacyi.
Na turnirach pad ehidaj World Aquatics ustanoŭlena zabarona na vykarystańnie rasijskich i biełaruskich ściahoŭ, vykanańnie himnaŭ hetych krain. Spartsmienam taksama zabaranili prychodzić sa ściaham svajoj krainy na spartyŭnaj formie na pratakolnyja mierapryjemstvy. Niejtralnym spartsmienam zabaroniena prachodzić praź źmiešanuju zonu, dzie žurnalisty zadajuć pytańni, i ŭdzielničać u pres-kanfierencyjach.
Jak paviedamlaje «Matč TB», u rasijskaj kamandzie niejtralny dopusk pakul atrymaŭ tolki adzin płyviec — siarebrany pryzior Alimpijady-2020 Ivan Hiraŭ.
Čytajcie taksama:
Paralimpijcu z amputavanymi rukami na čempijanacie śvietu ŭručyli naručny hadzińnik
