Maksim Hałkin. Fota: instahram artysta
30 vieraśnia kiraŭnictva Centralnaj kancertnaj zały «Kazachstan» u Astanie abviaściła, što na placoŭcy buduć praviedzieny techničnyja raboty na sietkach vadapravoda z 4 pa 10 kastryčnika. 8 kastryčnika ŭ CKZ pavinien byŭ adbycca kancert Maksima Hałkina.
1 kastryčnika začyniŭsia i Pałac Respubliki ŭ Ałmaty, dzie byŭ zapłanavany vystup artysta, — tam raptam «złamałasia scena».
Raniej Hałkin zajaŭlaŭ, što dziaržorhany Kazachstana pieraškadžajuć jaho vystupam. Pavodle jaho, na kancerty stali pradavacca kvitki, ale kiraŭnictva placovak stała spasyłacca na «vydumanyja pryčyny i kułuarnyja zabarony».
Va ŭpraŭleńni kultury Astany tady prapanoŭvali jašče raz padać zajaŭku na vystup.
Maksim Hałkin z samaha pačatku ŭvarvańnia vojskaŭ RF va Ukrainu paśladoŭna vystupaje suprać vajny. U Rasii jon abjaŭleny «zamiežnym ahientam».
U Kazachstanie raniej taksama admianiali vystupleńni i artystaŭ z Rasii, jakija padtrymlivajuć vajnu, — Paliny Haharynaj i Ryhora Lepsa, a taksama tam pierastali pradavać kvitki na kancerty komikaŭ, jakija źjeździli na Danbas.
