Tak vyhladaŭ miemaryjał raniej
Miemaryjał byŭ ustanoŭleny, jak śćviardžajecca na fasadzie kaledža Kijeŭskaha nacyjanalnaha ŭniviersiteta technałohij i dyzajnu, jašče ŭ 2016 hodzie, to-bok zadoŭha da rasijskaj poŭnamaštabnaj ahresii.
Tak vyhladaje miemaryjał ciapier
Pavodle błohierki, adzin nieabyjakavy chłopiec paviesiŭ na miesca źniataj «Pahoni» svaju ŭłasnuju.
Pakul jon jaje viešaŭ, da jaho padyšła žančyna, jakaja pradstaviłasia namieśnicaj rektara, i raskazała, što niejkija ludzi prychodzili da kiraŭnictva kaledža i zapatrabavali, kab jany razabrali hety miemaryjał, bo ź Biełaruśsiu Ukraina, maŭlaŭ, ciapier u stanie vajny. Urešcie jany nibyta dajšli da Ministerstva aśviety i paprasili «niešta zrabić».
Spačatku miemaryjał prosta prykryli praścinoj, ale paśla ź jaho ŭsio adno prybrali bieł-čyrvona-biełuju simvoliku, jakuju namieśnica rektara zabrała sabie.
Błohierka raskazvaje pra heta vielmi emacyjna, nie spyniajučysia navat pierad niecenzurnaj łajankaj na adras «psieŭdapatryjotaŭ». Pry hetym zhadvajučy taksama minułahodni vypadak, kali ŭ Kijevie takija ž «psieŭdapatryjoty» zrezali pamiatny kryž, pastaŭleny ŭ 2020 hodzie kala biełaruskaj ambasady ŭ pamiać pra paciarpiełych ad režymu Łukašenki. Toj zrezany kryž paśla zabrali sabie biełaruskija dobraachvotniki-kalinoŭcy.
Čytajcie taksama:
«Moj pazyŭny Foks». Połk Kalinoŭskaha stvaraje novy bataljon
Połk Kalinoŭskaha paviedamiŭ pra adnaŭleńnie rekrutynhu ŭ svaje šerahi
Kalinoŭcy zapuścili ŭ Biełaruś vializny bieła-čyrvona-bieły ściah
