Kiraŭnik aparatu Pašyniana abvinavaciŭ rasijskija miedyja ŭ hibrydnaj vajnie suprać Armienii, a najbolšymi prapahandystami tam nazvaŭ armian 3

Hałoŭny redaktar RT Marharyta Simańjan. Skryn videa

Tak Aruciunian adkazaŭ na repliku žurnalista Hieorha Chačaturana, jaki vykazaŭ mierkavańnie, što ŭdzielniki manifiestacyi ŭ Jerevanie, jakija pasprabavali prarvacca ŭ budynak urada, nibyta natknulisia tam na amierykanskich desantnikaŭ, jakija pryjechali ŭ Armieniju na vučeńni.

Aruciunian nazvaŭ hetaje vykazvańnie «absalutnaj dezynfarmacyjaj», a taksama sa škadavańniem adznačyŭ, što «samyja vialikija prapahandysty» na rasijskich kanałach — heta armianie Marharyta Simańjan, Tyhran Kieasajan, Aram Habrelanaŭ, Siamion Bahdasaraŭ, Raman Babajan, Siarhiej Kurhinian, Andranik Mihranian.

Raniej stała viadoma, što Administracyja prezidenta RF razasłała 19 vieraśnia dziaržaŭnym i łajalnym rasijskim ŚMI mietadyčki ab tym, jak aśviatlać bajavyja dziejańni ŭ Nahornym Karabachu.

Zhodna ź imi, vinavatymi treba pakazvać Armieniju i krainy Zachadu, a akcent rabić na toje, što premjer-ministr Armienii Nikoł Pašynian pryznaŭ «terytaryjalnuju cełasnaść» Azierbajdžana.

Čytajcie taksama:

Mafijoznyja schiemy i pryviazanaść da Rasii. Jak Nahorny Karabach staŭ šeraj zonaj armianskaj palityki i što budzie ciapier

Što takoje Nahorny Karabach i što armianie z azierbajdžancami tam dzielać

Nahorny Karabach pryniaŭ rašeńnie ab kapitulacyi

16

2

13

2

2

0

Nashaniva.com