Kruty zajaviŭ, što Biełaruś akazvaje sistemnuju dapamohu «dzieciam Danbasa», u tym liku vozić ich u łahier «Zubrania». Z pačatku 2021 hoda ŭ Biełaruś vyvieźli bolš za 3,5 tysiačy ŭkrainskich dziaciej.
Pa słovach pasła, usie dzieci pryjazdžajuć u Biełaruś sa zhody zakonnych pradstaŭnikoŭ. Jon taksama paćvierdziŭ, što da vyvazu dziaciej maje dačynieńnie Biełaruskaje tavarystva Čyrvonaha Kryža.
«U asnoŭnym — heta dzieci-siroty, baćki jakich zahinuli ŭ chodzie bajavych dziejańniaŭ, albo vychadcy ź niapoŭnych, małazabiaśpiečanych siemjaŭ. Taksama adznaču, što nasupierak nachabnaj chłuśni zachodniaj i ŭkrainskaj prapahandy, vyjezd dziaciej na azdaraŭleńnie ŭ Biełaruś ažyćciaŭlaŭsia tolki sa zhody ich baćkoŭ i zakonnych pradstaŭnikoŭ».
Biełaruskija demakratyčnyja siły ciapier źbirajuć materyjały dla Mižnarodnaha kryminalnaha suda (MKS), jakija dakazvajuć dačynieńnie pradstaŭnikoŭ režymu Łukašenki da niezakonnaha vyvazu ŭkrainskich dziaciej. U rezalucyi ad 13 vieraśnia, Jeŭraparłamient zajaviŭ, što dziejańni Łukašenki i jahonaha režymu možna kvalifikavać jak złačynstvy suprać čałaviečnaści (departacyja abo hvałtoŭnaje pieramiaščeńnie nasielnictva) pavodle Rymskaha statutu i zaklikaŭ Mižnarodny kryminalny sud (MUS) vydać order na aryšt Łukašenki.
Čytajcie taksama:
Kruty nazvaŭ ličby, jak abvaliŭsia zachodni rynak u biełaruskim handli paśla sankcyj
Tałaj anansavaŭ pryvoz u Biełaruś novych hrup ukrainskich dziaciej
U Maryupalski ŭniviersitet na akupavanych terytoryjach pastupili dva biełarusy
Baćki im z taho śvietu dazvoły na vyvaz svaich dzietak dajuć?
A "zakonnyja pradstaŭniki" pryznačanyja ŭ adpaviednaści z zakonami dziaržavy, terytoryju jakoj akupavała rasija? Kali nie, kali ich pryznačała akupacyjnaja ŭłada, ci nielehalnaja ŭłada samaabvieščanych "DNR/ŁNR", to pavodle mižnarodnaha prava heta nie jość zakonnymi padstavami dla vyvazu ŭkrainskich dziaciej za miežy Ukrainy. Adpaviedna, režym łukašenki, u tym liku hramadzianin Krutoj, musiać adkazvać za ździajśnieńnia vajennaha złačynstva, praduhledžanaha adpaviednymi mižnarodnymi kanviencyjami. jakija rehulujuć praviły viadzieńnia vajny.
https://d16gbq1owzocfa.cloudfront.net/326526
https://d16gbq1owzocfa.cloudfront.net/326526vyjezd dziaciej na azdaraŭleńnie ŭ Biełaruś ažyćciaŭlaŭsia tolki sa zhody ich baćkoŭ i zakonnych pradstaŭnikoŭ
https://d16gbq1owzocfa.cloudfront.net/326526