Viertalot Mi-8, jaki vymanili ŭkrainskija raźviedčyki. Fota: «Ukrainskaja praŭda»
Svajakam vajskoŭcaŭ, jakija znachodzilisia na borcie rasijskaha viertalota Mi-8, jaki sieŭ na adnoj z ukrainskich avijabaz u pačatku žniŭnia, dahetul aficyjna ničoha nie paviedamili pra ich los, paviedamlaje Baza.
Razam ź piłotam Maksimam Kuźminavym, jaki sahnaŭ viertalot va Ukrainu, na borcie Mi-8 znachodzilisia dvoje vajskoŭcaŭ.
Adzin ź ich — Mikita, vypusknik Varoniežskaj vajskova-pavietranaj akademii. Znajomyja chłopca apisvajuć jaho jak «uzornaha siemjanina» i «adekvatnaha rabaciahu».
Druhi — uradženiec Uźbiekistana Churšed. Chłopiec pryjechaŭ vučycca ŭ Rasiju pa abmienie i skončyŭ Syzranskaje lotnaje vučylišča. Znajomyja Churšeda taksama kažuć pra jaho tolki stanoŭča.
Pavodle danych «Bazy», Mikita i Churšed adnaho vieku z Kuźminavym (piłotu 28 hadoŭ). Jany słužyli razam ź im u Čarnihaŭcy ŭ Prymorskim krai. Dzie ciapier znachodziacca Mikita i Churšed — aficyjna nieviadoma.
Pa słovach kiraŭnika HUR Kiryły Budanava, paśla pryziamleńnia jany akazali supraciŭ, i ich zabili. Sam Kuźminaŭ na pres-kanfierencyi z nahody zhonu taksama zajaŭlaŭ, što Mikitu i Churšeda «likvidavali». Pry hetym rodnym vajskoŭcaŭ pra ich los dahetul aficyjna ničoha nie paviedamili.
Hałoŭnaje ŭpraŭleńnie raźviedki Minabarony Ukrainy śćviardžaje, što pasadka viertalota adbyłasia ŭ ramkach śpiecapieracyi ŭkrainskich vajskoŭcaŭ pad kodavaj nazvaj «Sinica», jakaja prachodziła 9 žniŭnia.
HUR taksama pakazała piłota Maksima Kuźminava, jaki, jak śćviardžajecca, pierahnaŭ viertalot va Ukrainu.
Razam z Kuźminavym na borcie byli jašče dva siabry ekipaža, jakija nie viedali, kudy nasamreč lacić viertalot. Ich, jak śćviardžałasia, zabili. U HUR zajaŭlali, što dva siabry ekipaža «pryniali rašeńnie nie zdavacca ŭ pałon i zahinuli adrazu paśla pasadki».
Maksim Kuźminaŭ (pa viersii HUR) — piłot 319-ha asobnaha viertalotnaha pałka armiejskaj avijacyi RF. Jon patłumačyŭ svoj učynak tym, što jon suprać rasijskaha ŭvarvańnia va Ukrainu i nie chacieŭ bolš u im udzielničać, piša «Mieduza».
Čytajcie taksama:
Rasijski piłot, jaki pierahnaŭ va Ukrainu viertalot Mi-8, atrymaje paŭmiljona dalaraŭ
