Tan Śvie i Siarhiej Alejnik. Fota: Hłas MIDa.
«I prybyŭ nie prosta tak… ale nam zaŭsiody jość, što vam nie skazać… Skažam tolki, što siońnia jašče i Hienieralnaje konsulstva Mjanmy aficyjna adkryjecca ŭ Minsku», — ciešycca telehram-kanał «Hłas MIDa».
Adnak radavacca nie varta śpiašacca.
Mjanma (raniej Birma) — byłaja kałonija Vialikabrytanii ŭ Paŭdniova-Uschodniaj Azii, jakaja zdabyła niezaležnaść u 1948 hodzie. U 1962 hodzie tam adbyŭsia vajskovy pieravarot.
Aun San Su Čžy, dačka zmahara za niezaležnaść Birmy hienierała Aun Sana, stvaryła Nacyjanalnuju lihu za demakratyju. U 1990-m jaje partyja pieramahła na parłamienckich vybarach, ale vajskoŭcy admovilisia addavać uładu. Su Čžy pasadzili pad chatni aryšt, pad jakim jana praviała da 2010 hoda.
U 2015-m jaje partyja atrymała pieramohu na vybarach, a Su Čžy stała dziaržaŭnym daradcam.
1 lutaha 2021 hoda ŭ Mjanmie adbyŭsia vajskovy pieravarot, Aun San Su Čžy była znoŭ aryštavana i asudžanaja pa niekalkich artykułach da vielizarnych terminaŭ.
