Dzianis Urbanovič. Fota ź jaho staronki ŭ Fejsbuku
«Na dadzieny momant u špitali, jaho stan zdaroŭja bolš-mienš dobry. Kantuzija, parvana pravaja vušnaja pieraponka, askiepačnaje ranieńnie ŭ pravuju ruku», — piša telehram-kanał @MaladyFrontBelarus. Inšych paviedamleńniaŭ pakul nie było, sam Urbanovič pakul svajho stanu nie kamientavaŭ.
Heta ŭžo piataje ranieńnie lidara biełaruskaha «Maładoha Frontu», jaki adpraviŭsia na abaronu Ukrainy ad rasijskaj ahresii.
Da taho 34-hadovaha vychadca z Łahojskaha rajona kantuziła, askiepak zalataŭ u ruku, a kula — u hrudzi. Kožny raz Dzianis viartaŭsia na front.
«Trapiła kula prosta ŭ hrudzi i pajšła pa ciele, dy ŭpierłasia ŭ rebry. Dychać nie vielmi dobra, lohkaje paškodžanaje», — flehmatyčna apisvaŭ adno sa svaich papiarednich ranieńniaŭ kalinoviec.
Dzianis Urbanovič maje pazyŭny «Vaŭkałak».
Usiaho paśla lutaha 2022-ha, baroniačy Ukrainu i Biełaruś, zahinuli jak minimum 32 biełarusy. Jašče dvoje trapili ŭ pałon. Usiaho ŭ składzie ŭkrainskaj armii vajujuć sotni biełarusaŭ.
Bachmut, dzie Dzianis Urbanovič atrymaŭ adno z papiarednich ranieńniaŭ. Fota: 24 miechbryhada USU imia Karala Daniły
Čytajcie taksama:
Biełaruskija padraździaleńni panieśli ciažkija straty pad Bachmutam. Niekalki čałaviek zahinuła
Jak acenka siłaŭ biełaruskich dobraachvotnikaŭ upłyvaje na palityku Łukašenki
