Najlepšy ŭ niemcaŭ u finale Denis Šroder z «Taronta», jaki nabraŭ 28 ačkoŭ. Šroder byŭ pryznany MVP čempijanatu. Fota: Michael Conroy / AP
Pieršaja pałova sustrečy išła roŭnaja baraćba. Niamieččyna vyryvałasia na dva ački napierad, sierby dahaniali, navat vychodzili napierad. Na vialiki pierapynak kamandy syšli pry liku 47:47.
U treciaj čverci niemcy vyrvalisia napierad i pajšli na apošni pierapynak z roźnicaj +12 ačkoŭ. A ŭ apošniaj čverci zdoleli zachavać pieravahu — 83:77.
Takim čynam zbornaja Niamieččyny ŭpieršyniu ŭ historyi vyjhrała załatyja miedali čempijanatu śvietu. Na turniry jany pieramahli va ŭsich vaśmi matčach.
Raniej ich najlepšym vynikam była bronza ČS u 2002 hodzie, kali saliravaŭ vialiki ŭ pramym i pieranosnym sensie Dzirk Navicki.
U 2010-m Niamieččyna była 17-ja, u 2019-m — 18-ja.
Treciaje miesca na čempijanacie śvietu ŭpieršyniu ŭ historyi zavajavała Kanada, što abyhrała ŭ aviertajmie ZŠA ź likam 127:118.
Čytajcie taksama:
Łatvija zavajavała 5-je miesca na čempijanacie śvietu pa baskietbole
Dla hulca zbornaj Sierbii čempijanat śvietu pa baskietbole skončyŭsia na apieracyjnym stale
