Fota: Mytny kamitet
Bolš za 38 kiłahramaŭ hašyšu sprabavali pravieźci praź biełaruskuju miažu ź Litvy. Ab zatrymańni bujnoj partyi narkotyku paviedamiŭ Dziaržaŭny mytny kamitet.
Niekalki dzion tamu ŭvahu hrodzienskich mytnikaŭ pryciahnuli dva aŭtamabili, jakija litoŭski pieravozčyk mieŭ namier zavieźci na terytoryju JEAES. Mašyny marak BMW X5 2023 hoda vypusku i Opel Insignia 2019 hoda vypusku vieźli praz punkt propusku «Bieniakoni».
Mytniki vyrašyli pravieryć transpart, i pieršyja vyniki adrazu ž vyklikali ŭ ich pytańni. Skanavańnie pakazvała na adnaznačnuju najaŭnaść kantrabandy.
U chodzie nadhladu z baka Opel dastali 29 brykietaŭ sa sprasavanym hašyšam. Ahułam praź miažu mieli namier pravieźci 38,05 kiłahrama narkotyku.
Hrodzienskaja rehijanalnaja mytnia zaviała kryminalnuju spravu ŭ adpaviednaści z č. 2 art. 328-1 KK.
Vinavatamu ciapier pahražaje pazbaŭleńnie voli terminam da 10 hadoŭ.
Čytajcie taksama:
Pasažyr aŭtobusa prahłynuŭ na miažy źmieściva svajho kašalka, ale heta jamu nie dapamahło
Litoŭca asudzili da 15 hadoŭ kałonii za pieravoz u Biełaruś narkotykaŭ
Hrodzieniec u adnym i tym ža haražy farbavaŭ mašyny i vyroščvaŭ marychuanu
