Fota: technosovet.ru, pixabay.com. Kałaž «Našaj Nivy»
Kali niama tolki internetu, to možna dasyłać šyfravanyja SMS. Dla hetaha «Kibierpartyzany» admysłova stvaryli prahramu «P-SMS» dla Android. Jana dazvalaje dasyłać i atrymlivać SMS, zašyfravanyja parolem.
Na vypadak, kali suviazi zusim nie budzie, možna skarystacca miesiendžaram Briar. Siarod abmiežavańniaŭ — jon nie dazvalaje ździajśniać zvanki abo dasyłać fota, a taksama dastupny tolki dla Android.
Isnuje i davoli papularnaja alternatyva Briar — miesiendžar Bridgefy. Jon dastupny dla Android i iOS, ale maje tyja ž abmiežavańni i davoli šmat rekłamy. Im karystalisia pratestoŭcy ŭ Hankonhu padčas adklučeńniaŭ internetu.
Mahčyma abyści lubuju błakiroŭku, ale časta heta patrabuje dadatkovych viedaŭ i navykaŭ. Rychtavacca da mahčymych błakirovak lepš zahadzia, čym sprabavać razabracca «na chadzie», kali heta ŭžo zdaryłasia.
