Fota: vecteezy
Zadača
Aficyjant u kafe lubić hulać u hulniu sa svaimi naviedvalnikami, prapanoŭvajučy im zadaču, rašyŭšy jakuju, jany atrymajuć 50-adsotkavuju źnižku. U vypadku niaŭdačy aficyjant atrymaje 50 adsotkaŭ na čaj.
Adzin naviedvalnik prymaje vyklik — i aficyjant dastaje pustuju šklanku, pačak zapałak i vykarystany korak ad butelki dy kładzie heta ŭsio pierad klijentam. Potym aficyjant stavić pierad im niehłybokuju talerku z płoskim dnom, u jakoj nalita trochi vady.
Aficyjant kaža: «Kali vy zmožacie nalić vadu ŭ šklanku, nie dakranajučysia i nie ruchajučy talerku, vykarystoŭvajučy tolki tyja pradmiety, jakija ja vam prynios, to atrymajecie siońnia 50 adsotkaŭ źnižki na ježu».
Nieviadoma, ci byŭ naviedvalnik amataram fiziki, ci prosta akazaŭsia nadta kiemlivym čałaviekam, ale paśla abiedu jon atrymaŭ svaju źnižku. Dyk što ž jon zrabiŭ?
Padkazka
Popular Mechanics raić sabrać hetyja materyjały i pasprabavać samastojna razabracca z prablemaj. (Ale budźcie aściarožnyja, hulajučy z zapałkami! Lepiej rabić heta na dvare.)
Fota: vecteezy
Rašeńnie
Kab vada patrapiła ŭ šklanku, treba jaje pierakulić. Potym utyrknicie paru zapałak u korak i pastaŭcie hetuju kanstrukcyju ŭ siaredzinu talerki z vadoj. Zapalicie zapałki, a zatym nakryjcie šklankaj korak z zapalenymi zapałkami. Jany buduć nahravać pavietra ŭ šklancy, stvarajučy cisk na vadu, tak što častka pavietra vycieča vonki. Kali zapałki hasnuć, pavietra znoŭ astudžajecca, cisk mienšaje i vada niby ŭsmoktvajecca ŭ šklanku.
Nie vierycie? Pasprabujcie doma. Abo pahladzicie videa nižej. I kali łaska, budźcie aściarožnyja z ahniom.
Čytajcie taksama:
Prablema padpalenaha knota — ci zmožacie vy rašyć hetuju matematyčnuju hałavałomku
>The waiter says to the diner, "if you can get the water into the glass
Słova "nalić" tut supiarečyć rašeńniu. U aryhinale nie skazana "pour".