Restaŭracyja, jak paviedamlajecca, zakranuła płošču bolšuju za 13,5 tysiačy kvadratnych mietraŭ. Było adramantavana bolš za 350 pamiaškańniaŭ. Havorka pra navučalnyja aŭdytoryi i navukovyja łabaratoryi.
Rektar BDU Andrej Karol, vystupajučy padčas uračystaj cyrymonii adznačyŭ, što
padčas hetaj rekanstrukcyi, aprača ŭłasna hałoŭnaha korpusa ŭniviersiteta, byŭ kapitalna adramantavany taksama prylehły da jaho korpus fizičnaha fakulteta.
U madernizavanym korpusie byli adramantavanyja i ŭmacavanyja vientylacyjnaja šachta, ścieny, dach. Taksama zrabili zamienu pravodki, voknaŭ, dźviarej, padłohavych pakryćciaŭ i santechničnych trub.
Va ŭnutranym dvoryku zamianili tratuarnuju plitku, prakłali telekamunikacyi i daždžavuju kanalizacyju. Akramia taho, byli ŭstalavanyja elektrapadjomniki dla ludziej z abmiežavanymi mahčymaściami i viełaparkoŭki.
Akramia taho, pa słovach Karala, adnoj z važnych zadač było asnaščeńnie korpusa fizičnaha fakulteta BDU ŭnikalnym navukova-adukacyjnym abstalavańniem. Mnohija adzinki hetaha abstalavańnia, maŭlaŭ, nie majuć anałahaŭ u Biełarusi i źjaŭlajucca raspracoŭkami biełaruskich navukoŭcaŭ. U jakaści prykładu byli nazvanyja aptyčnyja stały.
Taksama byli abstalavanyja śpiecyjalnyja miescy dla volnaha času studentaŭ, naprykład, amfiteatr dla prykładna 200 čałaviek. Stvoranyja i ŭmovy dla mahčymaści padłučeńnia multymiedyjnaha abstalavańnia.
Razam z tym madernizacyja hałoŭnaha korpusa BDU budzie praciahnutaja. Ciapier raspracavany prajekt jaho rekanstrukcyi treciaj i čaćviortaj čarhi, u ramkach jakich płanujecca ramont 286 pamiaškańniaŭ. Siarod ich Fundamientalnaja biblijateka, Muziej historyi BDU, a taksama administracyjnyja kabiniety.
Čytajcie taksama:
Rektar BDU pakul zachavaje svaju pasadu
«Ale voraha treba bačyć». Narada Łukašenki ŭ BDU była złaviesnaj