Skrynšot videa
Bielhijskaja tenisistka Maryna Zanieŭskaja (№112 WTA) nie pacisnuła ruki biełaruscy Arynie Sabalenka (№2 WTA) paśla parazy siońnia nočču na starcie US Open — 3:6, 3:6.
Ukrainka Zanieŭskaja z 2016 hoda pačała vystupać u składzie Bielhii. Sabalenka čakała jaje la sietki, ale Maryna praihnaravała svaju supiernicu.
«Ja pradstaŭlaju Bielhiju, ale ŭsia maja siamja zastajecca va Ukrainie, — patłumačyła svaje pavodziny ŭradženka Adesy. — Pavažaju Arynu jak tenisistku, jana vialikaja čempijonka. Heta majo asabistaje rašeńnie nie paciskać ruki. Ja nie asudžaju jaje. Jana abaraniaje svaju siamju, a ja abaraniaju svaju. I kali ja pacisnu joj ruku, heta budzie toje samaje, što plunuć maim rodnym u tvar».
Raniej ukrainka Elina Śvitolina na turniry ŭ Madrydzie admaŭlałasia cisnuć ruku Alaksandry Sasnovič, a paciskańnie ruk paśla hulni Viktoryi Azaranka i Eliny Śvitolinaj na Uimbłdonie naohuł było skasavanaje.
Čytajcie taksama:
Sabalenka vyjšła ŭ druhi raŭnd US Open
Sabalenka moža stać pieršaj rakietkaj užo na nastupnym tydni. Pry adnoj umovie
Pierad matčam Azaranki i Śvitolinaj paciskańnia ruk nie budzie
