Źleva: emblema prajekta; sprava: Ilija. Fota: Hybe X Geffen
Maštabny prajekt adboru, jaki doŭžycca ŭžo treci hod, nosić nazvu The Debut: Dream Academy. Jaho pravodziać paŭdniovakarejskaja Hybe Corp. i amierykanskaja Geffen Records.
Pieršaja kampanija viadomaja tym, što stvaryła viadomy karejski bojz-bend BTS, a druhaja — pracaj z Džonam Lenanam, Donaj Samier, Ełtanam Džonam, Šer i inšymi zorkami.
Pra našu suajčyńnicu, jakaja patrapiła ŭ lik 20 finalistak, viadoma mała. Dziaŭčynie 21 hod, jaje staronka ŭ TikTok z vakalnymi zapisami maje 2,9 młn padpisčykaŭ i 91,1 młn łajkaŭ.
Usie ŭdzielnicy, adabranyja dla navučańnia. Fota: Hybe X Geffen
Vykonvaje Ilija pieśni ŭ asnoŭnym na anhlijskaj movie, ale paviedamlaje, što viedaje taksama ruskuju, ispanskuju i krychu karejskuju. Na niekatorych videa joj padpiavaje mama, u jakoj taksama dobry hołas.
Na pytańnie, naprykład, adnoj z naviedvalnic staronki, dzie dziaŭčyna navučyłasia tak čytać rep, jana adkazała: «Prosta ź dziacinstva śpiavaju i kožny dzień trenirujusia voś užo šmat hadoŭ».
U karotkim pradstaŭleńni na staroncy prajekta kastynhu ŭ Instagram Ilija paviedamlaje, što jaje jašče nazyvajuć Ili, Rya, Iłaryja, i vitajecca z fanatami ŭ tym liku pa-biełarusku — «Pryvitańnie».
Sam ža praces adboru ŭ novuju dziavočuju hrupu pačaŭsia jašče ŭ listapadzie 2021 hoda. Arhanizatary atrymali kala 120 tysiač zapisaŭ z vykanańniem piesień i tancaŭ ad pretendentak z usiaho śvietu.
Ilija ŭ anhlijskim napisańni — Iliya. Fota: Hybe X Geffen
Paśla adsievu zastałosia tolki 20: 6 — z ZŠA, 3 — ź Japonii, 2 — z Paŭdniovaj Karei, pa adnoj — z Aŭstralii, Arhienciny, Biełarusi, Brazilii, Słavakii, Tajłanda, Filipin, Šviejcaryi i Šviecyi.
Apošnija niekalki miesiacaŭ dziaŭčaty prachodzili navučańnie vakalnamu i tancavalnamu majsterstvu ŭ Łos-Anželesie. A ciapier ich čakaje finalnaja stadyja prajekta.
Z 1 vieraśnia apošni etap adboru buduć na praciahu 12 tydniaŭ pakazvać na YouTube i na japonskim kanale Abema. Skład i nazvu hurta abvieściać u žyvym efiry 17 listapada.
Adznačajecca, što vyniki kastynhu buduć u značnaj stupieni zaležać ad zaŭziataraŭ, jakija zmohuć hałasavać za svaich favarytak na płatformach TikTok i Weverse.
Paźniej, u 2024 hodzie, na Netflix pavinien vyjści dakumientalny sieryjał, pryśviečany trochhadovamu pracesu stvareńnia hrupy. Režysiorka — Nadzia Chałhren, jakaja raniej źniała film pra Mišel Abamu.
Čytajcie taksama:
Rokier u karunkach. Lavon Volski ździviŭ fanataŭ kreatyŭnym łukam
Śpiavačka Ryta Dakota ŭ treci raz śviatkuje viasielle ŭ novaj krainie
https://d16gbq1owzocfa.cloudfront.net/325278