Fota ilustracyjnaje
Košt kurynaha miasa
U rejtynh trapili 45 dziaržaŭ, u tym liku tyja, jakija častkova znachodziacca ŭ Jeŭropie. Daśledavańnie pakazała, što ŭ siarednim u rehijonie 1 kh kurynaha file kaštuje 8,59 dalara. Tańniej za ŭsio heta miasa kaštuje ŭ Turcyi (3,64 dalara), Rasii (3,68 dalara) i Ukrainie (3,95 dalara). Azierbajdžan zaniaŭ 4-je miesca (4,34 dalara), a Biełaruś zamykaje top-5 (4,39 dalara).
Cana 1 kh kurynaj hrudki ŭ Polščy skłała 6,08 dalara, u Łatvii — 7,19 dalara, u Litvie — 7,44 dalara.
Samyja vysokija ceny adznačanyja ŭ Šviejcaryi (27,62 dalara), Isłandyi (17,98 dalara) i Narviehii (13,31 dalara).
Kolki kuraciny možna kupić na siaredni zarobak
Analityki Picodi.com taksama padličyli, kolki kiłahramaŭ kurynaha miasa možna kupić na siaredniestatystyčny zarobak u kožnaj z krain.
Najlepšyja ŭ Jeŭropie suadnosiny cenaŭ z zarobkami byli adznačanyja ŭ Luksiemburhu — u hetaj krainie na siaredni zarobak možna kupić 395 kh kurycy. Dalej iduć Vialikabrytanija (394,9 kh) i Niderłandy (369 kh).
Na siaredni zarobak u Biełarusi možna kupić 125 kh kurycy. Dla paraŭnańnia: u Polščy pakazčyk składaje 211 kh, u Litvie — 167 kh, u Rasii — 155 kh, u Łatvii — 149 kh, va Ukrainie — 106 kh.
Najmienšuju kolkaść kurynaha miasa mohuć dazvolić sabie žychary Ałbanii (76 kh), Paŭnočnaj Makiedonii (74 kh) i Hruzii (72 kh).
Čytajcie taksama:
Ci kaštavali miasa sarančy? A jano ŭžo pradajecca ŭ Polščy. Znajšli biełarusa — fanata takoj ježy
U Biełarusi raspracavali kiłbasu dla školnikaŭ z pavyšanym indeksam masy cieła
