Fota: ipmtorgi.by
Samalot kupili za sumu, na 2% daražejšuju za pačatkovuju canu ŭ 5,7 młn rubloŭ. U skład łota, akramia ułasna samalota, uvajšli taksama dva ruchaviki i dapamožnaja siłavaja ŭstanoŭka.
U aŭkcyjonie ŭdzielničaŭ adzin kupiec, jon samalot i nabyŭ. Chto mienavita heta byŭ, nie paviedamlajecca. Pracazdolnaść ruchavika, vuzłoŭ i ahrehataŭ u samalocie pry vystaŭleńni na tarhi nie praviarałasia.
U listapadzie 2021 hoda «Biełavija» ŭžo pradała Boeing 737-500 EW-250pa amal za 3,1 młn rubloŭ.
Pavodle danych na 15 žniŭnia hetaha hoda, park avijakampanii składaje 14 samalotaŭ, uklučajučy pradadzieny Boeing 737-500. Takim čynam, ciapier u nacyjanalnaha pieravozčyka zastałosia 13 samalotaŭ.
Da ŭviadzieńnia sankcyj praz prymusovuju pasadku samalota RyanAir u traŭni 2021 hoda ŭ Minsku pavietrany fłot «Biełavija» naličvaŭ 29 samalotaŭ.
Čytajcie taksama:
Z «Biełavija» razryvaje supracoŭnictva nacyjanalnaja avijakampanija AAE
Ułady Hruzii «detalna vyvučać» novyja sankcyi ZŠA ŭ dačynieńni da «Biełavija»
Płanujucca čystki na avijacyjnych pradpryjemstvach — Matolka
