Imiony novych palitviaźniaŭ — Julija Dzienisievič, Hanna Šyrviel, Mikałaj Mašarski, Andrej Mirašničenka, Jahor Zacharčuk, Anatol Bahavik, Ivan Bahavik.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca pa spasyłcy.
Pavodle pravaabaroncaŭ, ciapier u Biełarusi 1496 palitviaźniaŭ. Apošnim časam ahulny rost ich kolkaści nie vielmi vialiki, i navat adznačajecca peŭnaje źnižeńnie (raniej užo niekalki razoŭ kolkaść pryznanych palitviaźniami pierasiahała 1500 čałaviek). Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z-za turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Śpis usich ludziej, aficyjna pryznanych palitviaźniami ŭ Biełarusi, hladzicie tut.
Čytajcie taksama:
Za ŭdzieł u akcyjach pratestu ŭ Minsku asudzili muža i žonku Tarasievičaŭ, sud čakaje ich dačku
Za kamientary ŭ «ČKB» žychara Skidziela, jaki viarnuŭsia z Polščy, asudzili da šaści hadoŭ kałonii
Śledčamu Alaksandru Suško dali «chatniuju chimiju» pa «narodnym» artykule
