Krainy Jeŭropy značna apiaredžvajuć ustanoŭlenyja ES letaś mety (90% usiaho abjomu schoviščaŭ da 1 listapada).
«Atrymanaje siońnia paćvierdžańnie taho, što my vielmi zahadzia dasiahnuli našaj mety pa zapasach hazu padkreślivaje, što ES dobra padrychtavaŭsia da zimy. I heta dapamoža stabilizavać rynki ŭ najbližejšyja miesiacy», — zajaviła Politico kamisar ES pa enierhietycy Kadry Simsan. Jana adznačaje, što enierhietyčny rynak ES znachodzicca ŭ značna stabilniejšym stanie, čym hod tamu.
Da pačatku vajny va Ukrainie Jeŭropa atrymlivała kala 40% hazu z Rasii. Ciapier hety abjom pakryvajecca za košt pastavak z ZŠA, Narviehii, Azierbajdžana i inšych krain.
Kali ŭ žniŭni minułaha hoda cana hazu (na biržy ŭ Amsterdamie — TTF) dasiahała 320 jeŭra za miehavat-hadzinu, to na hetym tydni jana ŭpała da ŭzroŭniu kala 38 jeŭra za miehavat-hadzinu.
«Heta, niesumnienna, historyja pośpiechu — dla Jeŭrakamisii, dla rynku enierhii, ale asabliva dla nacyjanalnych uradaŭ, jakim za hod udałosia paśpiachova zamiaścić 1000 teravat-hadzin rasijskaha hazu», — kaža ekśpiert analityčnaha centra Bruegel Džavani Skaravaci.
Siezon vysokaha spažyvańnia hazu ŭ ES farmalna doŭžycca z kastryčnika da sakavika. Kali ŭsie schoviščy ES zapoŭnienyja, to pry siarednim spažyvańni hazu ŭ ich chapaje na 90 dzion. Adnak spažyvańnie zaležyć ad umoŭ nadvorja — kali zima surovaja, to hazu kantynientu treba bolš.
Adnak košt hazu nie vierniecca na davajenny ŭzrovień — tady jon składaŭ kala 20 jeŭraŭ za miehavat-hadzinu.
Heta aznačaje vyšejšyja rachunki dla nasielnictva i nizkuju pradukcyjnaść dla pramysłovaści. Enierhietyčny rynak zastajecca niestabilnym.
Čytajcie taksama:
Kitaj addaŭ pieravahu Turkmienistanu pierad Rasijaj u bujnym trubapravodnym prajekcie — ŚMI
Rasija nie budzie pradavać Kazachstanu haz tańniej, čym Biełarusi — «Hazpram»
U Paryž praviaduć pryrodny haz
Čysty prybytak «Hazprama» ŭ 2022 hodzie źmienšyŭsia ŭ try razy
