12 žniŭnia 2020 hoda, u sieradu, u roznych častkach Minska źjavilisia žančyny ŭ biełym z kvietkami ŭ rukach. Heta byŭ žanočy pratest suprać hvałtu, jaki na toj čas čaćviorty dzień praciahvaŭsia na vulicach horada i ŭ turmie na Akreścina.
Z taho času žanočyja akcyi stali rehularnymi, jany pravodzilisia ŭ suboty. U paniadziełki na minskija vulicy vychodzili piensijaniery. Paralelna ŭ Minsku adbyłosia 11 masavych, šmattysiačnych niadzielnych šeściaŭ.
Z nahody treciaj hadaviny pieršaha vychadu žančyn na vulicy stalicy telekanał «Biełsat» ładzić śpiecyjalny marafon. U paviedamleńni arhanizataraŭ havorycca:
«12 žniŭnia, u treciuju hadavinu žanočych maršaŭ, my ŭ miežach prahramy «Treba pahavaryć» pry padtrymańni kanała «Biełsat» praviadziom vialiki dyskusijny strym. Adznačym Dzień salidarnaści z žanočymi pratestami suprać hvałtu ŭ Biełarusi.
My budziem havaryć pra toje, što adčuvajem na treci hod paśla Revalucyi. Pra naš hnieŭ, nianaviść i rasčaravańnie. I taksama pra našu nadzieju i našu rašučaść. Try hady tamu my vyjšli suprać dubinak z kvietkami i zaklikam da miru. Jakim budzie naš nastupny vychad? Razam uspomnim paciarpiełych za svaju pazicyju i pasprabujem adrefleksavać narešcie hetaje pytańnie: kvietki ci kuli?»
Strym projdzie 12.08 na YouTube-kanale «Biełsat LIFE». Pačatak a 14-j pavodle minskaha času.
Udzieł u dyskusii voźmuć viadomyja biełaruski: Alina Koŭšyk, Jaŭhienija Doŭhaja, Natalla Chierše, Julijana Šemietaviec, Nasta Bazar, Volha Šparaha, Volha Łanieŭskaja, Maryja Kasinierava, Nasta Roŭda, Natalla Zadziarkoŭskaja. Śpis udzielnic nie kančatkovy, jon moža dapaŭniacca.
Čytajcie taksama:
Jakim byŭ apošni dzień pierad vybarami? Viadomyja biełarusy zhadvajuć 8 žniŭnia
«Nichto nie pieraškadžaŭ pratestu być niamirnym. Chto chacieŭ, u taho byŭ niamirnym» — BČB-niaviesta
