U Minsku na skryžavańniach źjaviłasia raźmietka «vafielnica» 8
Siońnia ranicaj kiroŭcy zaŭvažyli niezvyčajnuju dla Biełarusi darožnuju raźmietku na skryžavańni vulic Kamunistyčnaj i Čyrvonaj. Heta tak zvanaja «vafielnica»: žoŭtyja linii raźmietki pierasiakajucca pad pramym vuhłom, pierakryvajučy ŭsio skryžavańnie, piša Onliner.
U Praviłach darožnaha ruchu jość abaznačeńnie takoj raźmietki — miežy skryžavańnia. Zvyčajna na skryžavańniach z «vafielnaj» raźmietkaj zabaraniajecca prypynak, u tym liku tudy zabaraniajecca zajazdžać, kali napieradzie ŭtvaryŭsia zator, jaki moža prymusić kiroŭcu spynicca.
U DAI Minska karespandentu Onliner paćvierdzili fakt naniasieńnia takoj raźmietki, adznačyŭšy toje, što buduć i inšyja ŭčastki ź joj.
I sapraŭdy, inšuju «vafielnicu» ŭžo zaŭvažyli ŭ rajonie skryžavańnia vulic Arłoŭskaj i Staravilenskaha traktu, kala Centralnaha RUUS.