Na vystavie represavanaha biełaruskaha mastactva ŭ Biełastoku. Fota: «Naša Niva»
Art-rezidencyja «Dom tvorcaŭ» sabrała razam 14 biełaruskich mastakoŭ, imiony jakich ź mierkavańniaŭ biaśpieki nie ahučvajucca. Ciaham dvuch tydniaŭ jany pracavali nad rabotami, jakija i byli pradstaŭlenyja na vystavie. Jaje razharnuli ŭ Biełastoku nievypadkova. Ad jaho da biełaruskaj miažy ŭsiaho 60 kiłamietraŭ.
Ekspanaty vystavy represavanaha biełaruskaha mastactva. Na vystavie byŭ paŭtorany pierfomans Alesia Puškina z vazkom, ale nie hnoju, a čarnaziomu. Na ŭradlivaj hlebie vyraśli kvietki.
Na adkryćcio ŭ miascovy teatr «Nie Teatr» pryjšło niekalki dziasiatkaŭ čałaviek.
Na imprezie pakazali film pra pamierłaha ŭ źniavoleńni biełaruskaha mastaka. U im jon raskazvaje pra svaju tvorčaść i pra kroŭ, jakaja praliłasia ŭ Biełarusi ŭ 2020 hodzie.
Stužka vyklikała škvał emocyjaŭ. Mnohija naviedniki vystavy nie mahli strymać śloz, słuchajučy Alesia Puškina.
«Nie braŭ zachodnich hrantaŭ, nie słužyŭ uładzie — ja jość naturalny biełaruski mastak. U hetym maja kaštoŭnaść…» — kazaŭ mastak z ekrana manitora.
Na vystavie, pryśviečanaj Alesiu Puškinu.
Kožny ekspanat vystavy niasie svoj sens, tłumačyć Volha Šnip:
«Kvietki — simvał žyćcia, jakoje my sami možam pabudavać. Niepryhožyja śpiłavanyja drevy aznačajuć, što šmat hadoŭ ludzi buduć žyć sa svaim bolem. Tut šmat niciaŭ, jakija simvalizujuć toje, što ŭsio ŭzajemaźviazana: našy emocyi, žyćcio i śmierć».
Volha Šnip
Dziesiać hadoŭ tamu Aleś Puškin u Biełastoku ŭdzielničaŭ u kulturnickim pierfomansie. U adzieńni z baročnaha śvietu jon špacyravaŭ pa vulicach horadu, dziviačy minakoŭ, zhadała papularyzatarka biełaruskaj kultury ŭ Polščy Iłona Karpiuk.
«Minuła dziesiać hadoŭ, i my sustrakajemsia ŭ zusim inšych umovach, ale postać Alesia nadalej špacyruje pa vulicach Biełastoka», — kazała dziejačka biełaruskaha ruchu.
Iłona Karpiuk
Vystava prabudzie ŭ Biełastoku da 18 žniŭnia. Uvieś hety čas uvachod na jaje budzie biaspłatnym. Da ažyćciaŭleńnia prajekta spryčyniłasia i fundacyja «Tutaka», jakaja niadaŭna praviała fiestyval abudžanych.
Košt najdaražejšaj z prac, vystaŭlenych na prodaž, 1400 dalaraŭ, a najtańniejšaj — 150 dalaraŭ.
Aleś Puškin pamior u noč na 11 lipienia ŭ špitali, kudy jaho dastavili ŭ nieprytomnym stanie z hrodzienskaj turmy.
Mastak byŭ kinuty na 5 hadoŭ u kałoniju strohaha režymu pa abvinavačvańni ŭ «ździeku ź dziaržaŭnych simvałaŭ» i «raspalvańni varožaści».
Na vystavie represavanaha biełaruskaha mastactva ŭ Biełastoku
Nahodaj dla pieraśledu mastaka staŭ partret antysavieckaha padpolščyka Aŭhiena Žychara, jaki łukašysty interpretavali jak «reabilitacyju nacyzmu».
Viadomy biełaruski mastak, žyvapisiec-nonkanfarmist, pierformier spačatku pakarańnie adbyvaŭ u ivacevickaj kałonii, a potym byŭ pieraviedzieny na turemny režym u Hrodna.
Ekspanat vystavy. Pavodle zadumy aŭtara, kožny niasie svoj kryž.
Pachavali Alesia Puškina na mohiłkach rodnaj jamu vioski Bobr.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Hladzicie taksama:
Hałoŭnaja tajamnica Alesia Puškina
«Niabačnyja» śviedki spravy Alesia Puškina. Chto danios na mastaka
«A tiepieŕ davajtie jeŝie raz, na normalnom jazykie». Što adbyvałasia z Alesiem Puškinym za kratami
U roznych haradach Jeŭropy adbylisia akcyi pamiaci Alesia Puškina FOTY
