Čornaja varona ŭ Turavie. Fota: Ina Subocina
Ptušku, jakaja prylacieła na padvorak pałasavacca rybnymi vantrobami, zaŭvažyła fatohrafka-ptušnica Ina Subocina 30 lipienia ŭ Turavie:
«Ja siadzieła na hanku, ubačyła čornuju ptušku, jakaja praz chvilinu źlacieła z dachu na darohu, kudy ja ŭnačy vykinuła rybiny vantroby. Viarnułasia ŭ chatu pa kamieru. Kali pačała padychodzić, ptuška ŭźlacieła na dach z rybnymi vantrobami. Paklikała astatnich, chto byŭ doma, kab pahladzieli.
Fota Iny Subocinaj
Adrazu milhanuła dumka pra čornuju varonu: ptuška była akurat z varonu pamieram.
Dumali taksama, što moža być małady hrak. Ale kali jana prylacieła znoŭ, ja zrabiła fota ŭ palocie: pa pierji vyhladaje darosłaj varonaj u lińcy, chvost pramy (u krumkača maje być rambavaty).
Fota Iny Subocinaj
Adpravili arnitołahu ŭ Francyju zdymki, tam čornyja varony hniazdujucca. I pieršasnaje zaklučeńnie — što heta čornaja varona», — raskazvaje Ina.
U Biełarusi čornaja varona była viadomaja tolki pa dźviuch asobinach, zdabytych u 1931 i 1949 hadach u Hrodzienskaj vobłaści.
Mnohija vučonyja ličać čornuju i šeruju varonu padvidami adnaho vidu (da taho ž hetyja ptuški dajuć pładavityja hibrydy). Ale niekatoryja sistematyki vyłučajuć jaje ŭ asobny vid.
Čornuju varonu ciažka adroźnić ad maładoha hraka.
Małady hrak. Fota Aksany Kazakovaj
Usia infarmacyja pra ptušku adpraŭlenaja ŭ Biełaruskuju arnita-faŭnistyčnuju kamisiju. Tolki paśla razhladu kamisii budzie vyniesiena rašeńnie ab rehistracyi.
Čytajcie taksama:
U Pinsku zafiksavali pieršy dokaz hniezdavańnia ŭ nas adnoj z najmienšych ptušak u Jeŭropie
U Šviejcaryi zahniezdavaŭ redki vid ptušak, jakoha tut nie było 400 hadoŭ
U Kalinkavickim rajonie para busłoŭ zdoleła vykarmić ažno šeść ptušaniat. Heta redkaść
