Ilustracyjny zdymak. Fota: «Naša Niva»
Hod tamu 1 dalar ZŠA možna było kupić za 2,67 biełaruskaha rubla (u raźlik brali kursy valut na 1 žniŭnia 2022-ha). Takim čynam, za 5 tysiač rubloŭ možna było atrymać 1872 dalary.
Roŭna praz hod dalar možna daražej za ŭsio pradać za 3,0293. Abmianiaŭšy 1872 dalary na rubli, vy atrymajecie 5 672 rubli. Atrymlivajem plus 672 rubli za hod.
Jeŭra hod tamu možna było kuplać pa kursie 2,74 rubla. Na 5 tysiač rubloŭ vychodziła 1825 jeŭra. Siońnia jeŭra možna zdać maksimum pa 3,314. Atrymlivajecca 6048 rubloŭ. Heta na 1048 rubli bolš.
Nastolki vialikaja roźnica ŭ vypadku dalara i jeŭra atrymałasia za košt taho, što letaś jeŭrapiejskaja valuta davoli mocna prasieła adnosna amierykanskaj na fonie vajny va Ukrainie. Usie čakali, što ad kanfliktu Jeŭropa paciarpić macniej za Amieryku. Kurs byŭ blizu adzin da adnaho. Ale z časam jeŭra pačaŭ umacoŭvacca adnosna dalara ZŠA.
Ilustracyjny zdymak. Fota: AR / Kin Čenh
Piarojdziem da juania. Letaś 10 juaniej možna było nabyć za 4,07 biełaruskaha rubla. Ciapier najlepšy kurs prodažu — 4,26. Takim čynam atrymlivajecca, što, abmianiaŭšy letaś rubli na juani, a siońnia ich ža na rubli, vy atrymajecie 5233 rubli. Usiaho +233 rubli za hod.
Jak bačym, azirajučysia na hod nazad, vyhadniej za ŭsio było abmieńvać biełaruskija rubli na jeŭra. Takaja valutna-abmiennaja apieracyja pryniesła b vam kala 20% prybytku ŭ rublovym vymiareńni i kala 10% u dalaravym.
U vypadku z kitajskaj valutaj vyhada značna mienšaja. Ale horš za ŭsio było pakinuć hrošy ŭ rublach. Bo kali 1 žniŭnia 2022 hoda na 5000 rubloŭ možna było nabyć 1872 dalary ZŠA, to ciapier tolki 1674 dalary. U jeŭra padzieńnie jašče bolš zaŭvažnaje — 1506 jeŭra ŭ 2023 hodzie zamiest 1825 jeŭra hodam raniej.
Napłyŭ turystaŭ — kvatery ŭ centry Hrodna zdajuć i pa 100 dalaraŭ za sutki. «Z takimi cenami kvateru možna adbić za niekalki hadoŭ»
Z kampanii «A-100 Deviełapmient» sychodzić adzin z kiraŭnikoŭ
