Što pryhatavać z bobu? Recepty sałaty, supu i zapiakanki 2

Fota: Pixabay

Bob — vielmi smačnaja krynica białku i vitaminaŭ, małakałaryjnaja i pry hetym sytnaja.

Kali vam nie padabajecca pach bobu padčas hatavańnia, dadajcie ŭ vadu jakoje-niebudź pachkaje zielle: bazilik, piatrušku, miatu abo razmaryn.

A voś i niekalki receptaŭ z bobam (apošni — zapiakanka — dakładna nikoha nie pakinie abyjakavym):

Sałata z bobam i kurycaj

• šklanka zvaranaha bobu
• rymskaja sałata
• 1 kurynaja hrudka
• 100 h pamidoraŭ čery
• 4 stałovyja łyžki aliŭkavaha aleju
• 1 čajnaja łyžka miodu
• 1 čajnaja łyžka čabaru
• sok pałoŭki cytryny
• sol i pierac

1. Kurynuju hrudku vymyć, absušyć, pasalić i papierčyć, vyšmaravać aliŭkavym alejem i absmažyć na patelni pa 3-4 chviliny z kožnaha boku.
2. U miscy źmiašajcie aliŭkavy alej, cytrynavy sok, miod, čabor i prypraŭcie sollu i piercam.
3. Adkładzicie ŭ chaładzilnik na niekalki chvilin.
4. Na vialikuju talerku vykładzicie sałatu, varany bob, pamidory čery, razrezanyja napałovu, i kurynuju hrudku, narezanuju doŭhimi łustačkami.
5. Zalicie sałatu pryhatavanym sousam.
6. Padavajcie z hrenkami abo zapiečanaj bulbaj.

Babovy sup

• 1 kh zialonaha bobu (paśla varki i ačystki zastaniecca prykładna 500-600 h)
• 2 nievialikija cybuliny
• 50 masła abo 3 stałovyja łyžki aliŭkavaha aleju dla viehanskaha varyjanta
• 3 maładyja morkvy
• 1 maładaja piatruška
• 1 małady sielderej
• 1 maładaja cybula-parej
• 5 łaŭrovych listoŭ
• 5 zierniaŭ duchmianaha piercu
• sol i pierac
• 2 pučki kropu

1. Bob varym «al dente». Abirajem.
2. Vymyjcie, abiarycie i narežcie harodninu łustačkami abo kubikami. Morkvu pakinuć bujnymi kavałkami.
3. Razahrejcie ŭ kastruli masła i absmažcie ŭ im cybulu. Jana maje stać hłazuravanaja i navat źlohku karyčnievaja.
4. Dadać harodninu i trochi absmažyć jaje z cybulaj.
5. Dadajcie 1,2 ł vady, łaŭrovy list i duchmiany pierac. Davieści da kipieńnia i varyć na pavolnym ahni pad viečkam kala 15 chvilin.
6. Vyłavić morkvu, duchmiany pierac i łaŭrovy list. Dadajcie ¾ bobu, astatniaje pakińcie dla ŭpryhožvańnia. Davieści da kipieńnia i varyć 2—3 chviliny.
7. Zatym raźmiašajcie sup.
8. Prypraŭcie sollu, piercam i narezanym kropam.
9. Sup padajuć haračym. Pasypcie śviežym kropam i ŭpryhožcie narezanym bobam i narezanaj morkvaj. Aŭtary recepta prapanujuć nie źmiešvać morkvu ź inšaj harodninaj, tamu što tady sup zajmieje niepryvabny koler, a voś morkva, dadanaja ŭ kancy, — stanie pryhožym elemientam na talercy.

Zapiakanka z makaronaj, bobam i biekonam

• 350 h makarony, italjancy dla hetaj spravy rajać fuzili
• 100 h vendžanaha biekonu
• 300 h bobu
• 100 mł sałodkaj śmiatany 12%
• 100 h ciortaha syru (naprykład, hrana padana, parmiezanu, piekaryna),
• sol
• pierac

1. Pastu advaryć pavodle instrukcyi na ŭpakoŭcy «al dente».
2. Biekon narezać kubikami.
3. Ačyścicie syryja baby.
4. Źmiašajcie makaronu z syram, bobam i śpiecyjami ŭ miscy.
5. Vykłaści ŭsiu hetuju spravu ŭ haračatryvały posud, zalić viarškami.
6. Stavim u razahretuju da 180 hradusaŭ duchoŭku i vypiakajem kala 10—15 chvilin.
7. Pa zakančeńni hetaha času pakryjcie zapiakanku reštkami syru i zapiakajcie jašče 10 chvilin.

Čytajcie jašče:

Što pryhatavać? Faršyravanyja kabački — sytnaje i duchmianaje haračaje

Fasola ź jałavičynaj — chutki recept sytnaj stravy

Čym charčujucca biełarusy i kolki heta kaštuje

3

0

0

0

2

1

Nashaniva.com