Vierchavodnik sicylijskaj mafii, jakoha vyzvalili z turmy paśla taho, jak jon zdoleŭ davieści, što sparalizavany i maje anareksiju, byŭ zatrymany palicyjaj znoŭ. Što takoje? Prosta palicyjanty pierastreli jaho zusim bieź invalidnaha vazka za abiedam u miascovaj restaracyi, tymčasam jak toj namahaŭsia ŭdać, što ździŭleny i ŭražany nie mienš za ich.
Palicyjanty zatrymali 36-hadovaha Karmeła de Stefana ŭ sicylijskam haradku Katańja, kali toj jeŭ u restaranie na bierazie mora. Kali ž adzin z palicyjantaŭ spytaŭ de Stefana, čamu sińjor nie ŭ vazku, toj vyhuknuŭ: «Heta cud!». Ź śledstva vyjaviłasia, što ŭ restaran mafijanier pryjechaŭ na ŭłasnym aŭto.
Jašče daŭniej de Stefana byŭ abvinavačany ŭ zabojstvie, siabroŭstvie ŭ bandyckaj hrupoŭcy i handli narkotykami, a sud vyrak jaho na 30 hadoŭ źniavoleńnia. Adnak spraktykavany ŭ padłohach złačyniec padrabiŭ pryznaki kalectva (nibyta vyklikanaha ahulnym paralušom), a taksama simptomy vostraj formy anareksii. Dziakujučy tym dokazam de Stefana adpuścili pad chatni aryšt da žonki ŭ pracilehłym bok Italii, u Bałońju, ale ŭ vieraśni kryminalnik uciok, parušajučy hetak umovy źniavoleńnia.
Darečy, na dumku palicyjantaŭ, kab zymitavać apošniuju chvarobu, anareksiju, de Stefana «tolki dziakujučy sile voli» pachudzieŭ na 38 kiłahram.
