Bajcy PVK «Vahnier». Fota: Anadolu / Getty Images
Ruskaja słužba vydańnia Bild 16 červienia pryviała słovy kiraŭnika kamiteta Dziarždumy RF pa abaronie Andreja Kartapołava pra pierakidku «vahnieraŭcaŭ» u Biełaruś, jakija toj ahučyŭ u efiry rasijskaha telebačańnia.
Pa słovach Kartapołava, PVK «Vahnier» patrebnaja ŭ Biełarusi «nie stolki dla navučańnia biełaruskaj armii», a dla budučaha zachopu Suvałkskaha kalidora.
«Jany tam nie stolki dla navučańnia biełaruskich Uzbrojenych sił. Jość taki Suvałkski kalidor, jaki ŭ vypadku čaho nam budzie vielmi patrebny. Tamu «vahnieraŭcy» składuć u Biełarusi hatovy ŭdarny kułak, jaki zachopić hety niaščasny kalidor u ličanyja hadziny», — pryvodzić Bild słovy Andreja Kartapołava, skazanyja na rasijskim telebačańni.
Nahadajem, što Suvałkski kalidor — heta 70-kiłamietrovy adrezak terytoryi pamiž Biełaruśsiu i Kalininhradskaj vobłaściu Rasii, jaki znachodzicca na polska-litoŭskaj miažy. Jaho zachop moža całkam pierakryć suchaputny dostup da krain Bałtyi z boku astatniaj Jeŭropy i sajuźnikaŭ pa NATA.
Jak niadaŭna stała viadoma, pieršyja atrady vahnieraŭcaŭ sapraŭdy pryjechali ŭ Biełaruś i ŭžo zaśviacilisia ŭ łukašenkaŭskaj prapahandzie.
Čytajcie taksama:
Prezident Polščy zajaviŭ, što Biełaruś moža skancentravać mihrantaŭ u rajonie Suvałkskaha kalidora
Ukraina za 10 dzion uładkavała na miažy ź Biełaruśsiu 30 minnych paloŭ
