U druhoj dekadzie listapada praciahłaść soniečnaha źziańnia ŭ Minsku skłała ŭsiaho adnu hadzinu, paviedamlaje Respublikanski hidramieteacentr. U pieršaj dekadzie miesiaca sonca źziała nad našaj stalicaj 13 hadzin.
Cykłony i atmaśfiernyja franty abumoŭlivajuć u Biełarusi pachmurnaje z daždžami nadvorje z tempieraturaj, jakaja vyšejšaja za normu na 6—8 hradusaŭ. Dniom 25 listapada maksimalnaja tempieratura pavietra skłała ad plus 6,4 hradusa ŭ Viciebsku da 9,8 u Breście, 24 listapada — ad 6,4 u Połacku i Jeziaryščy da 11,5 u Vysokim.
Da kanca tydnia zachavajecca cykłaničny charaktar nadvorja.
0
0
0
0
0
0