Fota: DPK
«Uzbrojeny pradstaŭnik litoŭskaha pamiežnaha viedamstva zajšoŭ na biełaruskuju terytoryju na niekalki mietraŭ i viarnuŭsia nazad. Incydent zafiksavany kamierami nazirańnia. Pra fakt niezakonnaha pierasiačeńnia biełaruskaj miažy ŭ akreślenym paradku prainfarmavany sumiežny bok», — havorycca ŭ paviedamleńni DPK.
Słužba achovy dziaržaŭnaj miažy Litvy, u svaju čarhu, paviedamiła, što ŭ čaćvier jaje słužbovaja asoba sapraŭdy mahła zajści na terytoryju Biełarusi. Jak paviedamiła słužba, u čaćvier u druhoj pałovie dnia da pamiežnikaŭ, jakija pracujuć na prapusknym punkcie ŭ Miednikach, źviarnułasia žančyna ź niemaŭlom na rukach, jakaja ruchałasia ŭ Litvu, i skazała, što choča chutčej pierasiekčy miažu.
«Kali pamiežnik pačaŭ supravadžać jaje da aŭtamabila, pa papiarednich źviestkach, pa nieaściarožnaści jon moh zastupić na biełaruski bok», — paviedamiła słužba.
U jaho nie było słužbovaj zbroi. Pamiežnik słužyć u SADMŁ dva tydni. U suviazi z tym, što adbyłosia, u vilenskim padraździaleńni SADMŁ raspačata słužbovaja pravierka, viadziecca ŭdakładnieńnie abstavin.
Čytajcie taksama:
Praz ramont darohi pavialičacca čerhi na miažy Biełarusi ź Litvoj
U červieni jak minimum 36 čałaviek byli asudžanyja paśla zatrymańnia na miažy
Stajać 30 hadzin na polskaj miažy ci jechać kruh 700 km praź Litvu?
