Fota: Jerome Delay / AP
Pračnuŭšysia ranicaj 10 lipienia, žychary Iahaniesburha, najbujniejšaha horada Paŭdniovaj Afryki, ubačyli za voknami śnieh. Lipień u Paŭdniovym paŭšarji — zimovy miesiac, ale śnieh tut nie vypadaŭ voś užo 10 hadoŭ, piša Bi-bi-si.
Ułady paraili paŭdniovaafrykancam apranacca ciaplej, bo chałodny front nakryŭ bolšuju častku krainy i zastaniecca tut jak minimum na tydzień.
«Pakul što śniehapad nie vyklikaŭ surjoznych prablem», —paviedamiŭ pradstaŭnik Paŭdniovaafrykanskaj mietearałahičnaj słužby.
Žychary Iahaniesburha začaravanyja zaśniežanymi vulicami — redkim vidoviščam u ich šyrotach.
«Niekatoryja vučni i ja razam ź imi pajšli znajomicca sa śnieham bližej … sioj-toj užo viedaje, što takoje śnieh, a inšyja dumali, što heta prosta taki doždž», — raspaviała nastaŭnica pačatkovych kłasaŭ Ahnies Midzieva.
Chatniaja rabotnica Nabuchosi Stompi skazała, što jechała na pracu pa zaśniežanaj darozie i jašče nikoli takoha nie bačyła.
«U nas u damach ciopła, tak što ŭsio ŭ paradku, — adznačyŭ nahladčyk Bili Nksumała. — Śnieh lažaŭ paŭsiul, jon nakryŭ pali pobač z našym rajonam — heta było sapraŭdy pryhoža».
Śnieh vypaŭ u cełym šerahu pravincyj Paŭdniovaj Afryki, uklučajučy Uschodni Kiejp, Mpumałanhu i rehijon Haŭtenh, u jaki ŭvachodziać Iahaniesburh i Soŭeta.
Mietearołahi paraili fiermieram znajści prydatnyja ciopłyja pamiaškańni dla žyvioły, asabliva ŭ chałodnaje nadvorje.
Pakul nielha skazać, ci źjaŭlajecca niezvyčajna chałodnaje nadvorje i śnieh vynikam klimatyčnych źmien.
