Sajt prohelp.info stvaraŭsia dla roznych hrup prafiesijanałaŭ: miedykaŭ, jurystaŭ, rabotnikaŭ sacyjalnaj śfiery. U kožnym z adpaviednych raździełaŭ sabrany materyjały, śpiecyjalna padabranyja dla apieratyŭnaj i efiektyŭnaj pracy z paciarpiełymi ad chatniaha hvałtu.
U śpiecyjalistaŭ budzie taksama dostup da nieabchodnaj praktyčnaj infarmacyi, jakuju jany mohuć adrazu vykarystoŭvać u svajoj pracy.
Asnoŭnyja raździeły sajta ŭklučajuć:
- «Materyjały dla śpiecyjalistaŭ». Hety błok źmiaščaje apisańnie praktyk pa profili: miedycyna, jurydyčnaja i psichałahičnaja dapamoha i h. d. Tut možna znajści kiraŭnictva, daśledavańni, praktyčnyja resursy i instrumienty, jakija dapamohuć u paŭsiadzionnaj pracy.
- Raździeł «Infahrafika» daje vizualnyja materyjały, jakija dapamohuć śpiecyjalistam u razumieńni składanych tem i pradmietnych znosinach z klijentami i kalehami.
- «Samaadukacyja i mahčymaści dla prafiesijanałaŭ». U hetym raździele budzie sabrana infarmacyja ab karysnych lekcyjach, kursach i anonsach mierapryjemstvaŭ, jakija dapamohuć śpiecyjalistam pahłybić svaje viedy i navyki.
- «Navina». Tut dla śpiecyjalistaŭ buduć publikavacca apošnija źmieny ŭ zakanadaŭčaj bazie, a taksama aktualnyja naviny ab pracy z paciarpiełymi ad chatniaha hvałtu.
«My zaprašajem usich śpiecyjalistaŭ u halinie chatniaha hvałtu dałučycca da našaj supolnaści na sajcie prohelp.info i skarystacca ŭsimi dastupnymi resursami. Naša kamanda vałancioraŭ nadaje asablivuju ŭvahu tamu, kab prohelp.info staŭ nadziejnaj krynicaj infarmacyi i padtrymki dla biełaruskich śpiecyjalistaŭ, jakija pracujuć u hetaj składanaj vobłaści. My spadziajomsia, što partał stanie kaštoŭnym instrumientam dla ŭsich, chto zmahajecca z chatnim hvałtam i imkniecca palepšyć žyćcio žančyn, jakija paciarpieli ad chatniaha hvałtu», — raspaviali ŭ kamandzie prajekta.
