Siońnia adbyŭsia čarhovy sud nad im — sudździa Karsiuk vynies pastanovu ab aryšcie na 15 sutak pa art. 19.11 KaAP (raspaŭsiud ekstremisckich materyjałaŭ). Pra heta paviedamlaje «Chryścijanskaja vizija».
Paśla 30 sutak, praviedzienych na Akreścina, Uładzisłaŭ vyhladaje jak čałaviek, jaki padviarhaŭsia katavańniam i biesčałaviečnamu abychodžańniu, jak adznačaje «Chryścijanskaja vizija», ale jon zachoŭvaje maralnuju siłu.
Jak stała viadoma, pieršaje spahnańnie ŭ vyhladzie aryštu na jaho było nakładziena za pierasyłku adnoj z propaviedziaŭ Patryjarcha Kiryła.
Upieršyniu Uładzisłaŭ byŭ zatrymany 31 maja. Jaho vyklikali ŭ toj dzień u DAI, dzie i adbyłosia zatrymańnie. Viernik pad ciskam byŭ vymušany źniacca ŭ milicejskim videa.
U jaho telefonie było znojdziena niekalki spasyłak na niezaležnyja miedyja, pryznanyja ekstremisckimi (naprykład, «Zierkało»), jakija jon pasyłaŭ svaim svajakam i znajomym.
