A voś apadkaŭ budzie mienš za normu, raspavioŭ sinoptyk Dźmitryj Rabaŭ u efiry ANT.
Pavodle prahnozaŭ suśvietnych prahnastyčnych centraŭ, siaredniaja tempieratura pavietra ŭ lipieni na 1-2°C pieravysić svaju šmathadovuju normu, jakaja składaje ad +18°C na paŭnočnym zachadzie da +20°C na paŭdniovym uschodzie i ŭ paraŭnańni z červieniem pavyšajecca na 2°C. Ale heta nie aznačaje, što śpioka budzie kožny dzień. Panižeńnie tempieratury taksama pieryjadyčna budzie zdaracca.
Pieravažnaja dzionnaja lipieńskaja tempieratura pavietra ŭ asnoŭnym budzie źmianiacca ad +23°C da +27°C, u asobnyja dni pry pastupleńni haračaha suchoha pavietra słupki termomietraŭ dasiahnuć 30-hradusnaj adznaki, načnaja tempieratura — ad +12 da + 14°C.
Lipień — zvyčajna samy vilhotny miesiac, ale nie sioleta. Kolkaść apadkaŭ čakajecca mienšaja za klimatyčnuju normu, a norma — ad 12 da 16 dzion z daždžom. Hetak ža nie abydziecca bieź niebiaśpiečnych źjaŭ nadvorja: navalnic, liŭniaŭ, škvału i hradu.
U lipieni taksama nazirajecca najbolš ustojlivaja i vysokaja tempieratura vady ŭ biełaruskich rekach i aziorach — ad +24 da +28°C.
