Matevuš Maraviecki. Fota: Andreea Alexandru / AP
Maraviecki paćvierdziŭ, što Varšava zacikaŭlenaja va ŭdziele ŭ hetaj prahramie.
«Kančatkovaje rašeńnie budzie zaležać ad našych amierykanskich, nataŭskich partnioraŭ. My zajaŭlajem pra našu volu dziejničać chutka ŭ hetym pytańni», — adznačyŭ polski premjer.
Taksama Maraviecki padkreśliŭ, što «my nie chočam siadzieć skłaŭšy ruki, pakul Pucin nahniataje roznaha rodu pahrozy».
Jadzierny abmien (Nuclear Sharing) — heta prahrama jadziernaha strymlivańnia NATA. Jana dazvalaje raźmiaščać jadziernyja bojehałoŭki na terytoryi krain — siabrovak aljansu, jakija nie majuć ułasnaj jadziernaj zbroi. Ź listapada 2009 hoda ŭ ramkach hetaj prahramy jadziernaja zbroja ZŠA raźmieščanaja ŭ Bielhii, Hiermanii, Italii, Niderłandach i Turcyi.
Čytajcie taksama:
«Pryniaty rašeńni adnosna ŭzmacnieńnia našaj abarony ŭschodniaj miažy» — Jarasłaŭ Kačyński
Polskaja armija atrymała pieršyja tanki Abrams i raźmieścić ich kala miažy ź Biełaruśsiu
