Ilustracyjnaje fota
Čarhovuju bujnuju partyju kantrabandnych biełaruskich cyharet zatrymali litoŭskija mytniki. Heta adbyłosia ranicaj 24 červienia ŭ prapusknym punkcie Rajhardas (Pryvałka), jak piša «Radyjo Svaboda» sa spasyłkaj na BPN.
Biełaruski kiroŭca pakazaŭ pradstaŭnikam mytni dakumienty ab pieravozcy 13 ton hofrakardonu. Adnak padčas pravierki sistemaj renthienaŭskaha kantrolu vyjavili, što paznačanaha hruzu było ŭsiaho try paddony, jakija pryznačalisia dla prykryćcia kantrabandnych cyharet (750 tysiač pačak cyharet NZ Gold i Minsk Superslims; prybliznaja cana — bolš za 3 młn jeŭra).
Papiaredniaje rasśledavańnie viadzie Kaŭnaskaja rajonnaja prakuratura. Kiroŭcu aryštavali na 20 dzion.
Pavodle infarmacyi mytnikaŭ, heta adna z najbujniejšych partyj nielehalnych cyharet, zatrymanych u Litvie z pačatku 2023 hoda.
Pavodle źviestak Ministerstva ŭnutranych spraŭ Litvy, u pieršym kvartale 2023 hoda na terytoryi Litvy zatrymali 416 tysiač pačak kantrabandnych cyharet ź Biełarusi — u 3,85 razu mienš, čym za anałahičny peryjad 2022 hoda (1,6 młn).
