Fota: fejsbuk «Vesna Books / Vydaviectva Viasna»
Heta dzieviatnaccataja kniha, vydadzienaja hetym niezaležnym vydaviectvam, jakoje pazicyjanuje siabie pradaŭžalnikam słaŭnaj tradycyi biełaruskaha knihadrukavańnia ŭ Prazie. Redaktaram vydaviectva staŭ biełaruski pierakładčyk i žurnalist Siarhiej Šupa.
Fieliks Aksioncaŭ, aŭtar knihi, hetaksama jość aŭtaram słovaŭ da piesień troch pieršych albomaŭ hurta ULIS: «Čužanica» (1989), «Kraina doŭhaj biełaj chmary» (1991), «Tancy na dachu» (1993). Taksama jon pisaŭ teksty dla hurtoŭ «Krama» i «Bonda».
Fota: fejsbuk «Vesna Books / Vydaviectva Viasna»
Usie jany, a taksama «niekalki niespadziavanak» uvajšli ŭ zbornik piesień «Marnatraŭny syn». U knizie bahata fotazdymkaŭ, a taksama QR-kodaŭ, z dapamohaj jakich možna pasłuchać albomy.
Fieliks Aksioncaŭ źjechaŭ u 1996 hodzie ź Biełarusi ŭ kanadski Vankuvier, dzie ciaham dziesiaci hadoŭ žyŭ u samaizalacyi, pryniaŭ dzen-budyzm. Iraničny epihraf knihi «A adzin dyk vabšče ŭ Kanadzie…», uziaty ź pieśni «Čakańnie Kaladaŭ» Michaiła Aniempadystava, adsyłaje jakraz da hetaj padziei ŭ žyćci tvorcy. Pradmovu ž napisaŭ žurnalist Jan Maksimiuk, udzielnik i śviedka, jak kaža sam muzyka, «dziŭnych padziej na miažy 1980-1990-ch».
Fota: fejsbuk «Vesna Books / Vydaviectva Viasna»
Knihu aformiŭ mastak Andrej Darochin, jaki raniej taksama stvaryŭ vokładki dla albomaŭ hurta ULIS. Ulis — heta łatynizavanaja forma imia staražytnahrečaskaha hieroja Adysieja, jaki adroźnivaŭsia rozumam i chitraściu. Jakraz jahonaja marmurovaja postać ź viernym sabakam Arhusam i naŭmysnym anachranizam, bas-hitaraj, źmieščanaja na vokładcy vydańnia.
Fieliks Aksioncaŭ na ŭłasnaj staroncy ŭ fejsbuku paabiacaŭ, što budzie praciah knihi.
Čytajcie taksama:
Vyjšaŭ Emigrant Song, novy trek hurta Leibonik
Vyjaviłasia, što salist «Pieśniaroŭ» Leanid Bartkievič — rodzič adnaho z ajcoŭ BNR
