Fota: Getty Images
Štučny zamieńnik cukru aspartam, jaki masava vykarystoŭvajecca ŭ śviecie pry vytvorčaści nizkakałaryjnaj koka-koły dy inšych sałodkich napojaŭ, moža być vielmi chutka aficyjna pryznany kancerahienam. Pra heta ahienctvu Reuters paviedamili krynicy z Suśvietnaj arhanizacyi achovy zdaroŭja (SAAZ).
Pa ich infarmacyi, rehulatary SAAZ pa daśledavańni raku i charčovaj biaśpieki ŭ červieni zaviaršyli daśledavańnie, jakoje vyznačyła ŭłaścivaść aspartamu ŭpłyvać na ŭźniknieńnie raku ŭ čałavieka.
Uśled za hetym adkryćciom nieŭzabavie moža rušyć aficyjnaje pryznańnie hetaha padsałodžvalnika niebiaśpiečnym dla ŭžyvańnia.
«Abjadnany ekśpiertny kamitet pa charčovych dabaŭkach (JECFA) i Mižnarodnaje ahienctva pa daśledavańni raku (IARC) praviali dva asobnyja kanfidencyjnyja daśledavańni i vyznačyli, što asnoŭny kampanient koka-koły, padsałodžvalnik aspartam, źjaŭlajecca ŭzbudžalnikam raku. Užo 14 lipienia pavinna być vydadziena aficyjnaja zajava SAAZ z nastupnym uniasieńniem aspartamu ŭ śpis niebiaśpiečnych rečyvaŭ», — piša ahienctva Reuters sa spasyłkaj na svaje krynicy ŭ SAAZ.
Pry hetym krynicy adznačajuć, što, niahledziačy na biesprecedentnaść budučaj zajavy, kampanija Coca-Cola zmoža znajści zamienu svajmu asnoŭnamu kampanientu, kab paźbiehnuć masavych sudovych pracesaŭ sa spažyŭcami.
Čytajcie taksama:
Aralny seks staŭ samym častym faktaram raźvićcia raku horła — daśledavańnie
Što budzie z koka-kołaj pry -57°S? Na prykładzie pakazaŭ palarnik
