Jaŭhien Pryhožyn paśla skančeńnia miaciažu. Fota: Getty Images
Padziei apošnich dzion u Rasii stali siurpryzam i šokam: na vačach za sutki jadziernaja dziaržava akazałasia na parozie hramadzianskaj vajny. Palityki i biznesoŭcy z usiaho śvietu sprabavali zrazumieć toje, što adbyvajecca i jak dziejničać dalej.
Rasijskija apazicyjnyja dziejačy nie stali vyklučeńniem u hetym pytańni.
Niekatoryja ź ich ubačyli ŭ miaciažy PVK «Vahnier» mahčymaść źmianić situacyju ŭ Rasii. Inšyja paličyli, što miaciež asłablaje dziaržavu i stavić pad udar vajskoŭcaŭ i hramadzian Rasii. A trecija zastalisia na zychodnych pazicyjach, nie paddajučysia pryncypam: «vorah majho voraha» ci «aby tolki nie stała jašče horš».
Pakazvajem na prykładach, jak heta ŭsio vyhladała.
Michaił Chadarkoŭski: «My pavinny dapamahčy ludziam pačuć Pryhožyna i pieraškodzić tym, chto choča jaho spynić»
Rasijski miljarder i ŭpłyvovy dziejač emihracyi Michaił Chadarkoŭski rascaniŭ miaciež «Vahniera» jak mahčymaść zrynuć Pucina i nie bieź ironii sa svajho boku adkryta zaklikaŭ padtrymać Pryhožyna i słovam, i spravaj.
Na jaho dumku, Pryhožyn adstojvaŭ antyvajennuju i antypucinskuju pazicyju.
Luboŭ Sobal: «Jon sprabavaŭ mianie zabić, ale kali jon zrynie Pucina, to ja jamu daruju»
Adna z hałoŭnych paplečnic palityka Alaksieja Navalnaha (jaki ciapier siadzić u turmie) Luboŭ Sobal padčas miaciažu zajaviła, što ŭ vypadku pieramohi Pryhožyna budzie hatovaja daravać jamu pieraśled jaje siamji, pahrozy i sproby zabojstva.
Niahledziačy na svajo mocnaje žadańnie adpomścić Pryhožynu, Luboŭ Sobal padtrymała jaho miaciež i pažadała pieramohi.
Ksienija Sabčak: «Miaciež u vajenny čas — heta kiepski krok»
Ksienija Sabčak, naadvarot, vystupiła suprać lubych paŭstańniaŭ u Rasii, asabliva ŭ vajenny čas.
Byłaja kandydatka-spojlerka na prezidenckich vybarach adznačyła, što miaciež ihraje na ruku voraham Rasii i pahražaje žyćciam hramadzian i vajskoŭcaŭ.
Maksim Kac: «Chtości staŭ ličyć Pryhožyna vyratavalnikam Rasii? Jon taki ž, jak i Pucin»
Apazicyjny błohier Maksim Kac akazaŭsia adnym z tych, chto nie staŭ dałučacca ni da adnaho z bakoŭ, bo kožny ź ich nie varty hetaha.
Kac raskrytykavaŭ tych apazicyjanieraŭ i libierałaŭ, jakija, zabyŭšysia pra ŭsio, stali padtrymlivać Pryhožyna, a taksama zrabiŭ vypad u adras Pucina, što toj sam vinavaty ŭ miaciažy z-za svajho pravalnaha palityčnaha i vajennaha kursu.
Čytajcie taksama:
«Dobryja ruskija» pasvarylisia z-za Cichanoŭskaj
Kryminalnaja sprava ŭ dačynieńni da Pryhožyna budzie spynienaja, jon «vyjedzie ŭ Biełaruś» — Piaskoŭ
