Fota: pres-słužba Ofisa Śviatłany Cichanoŭskaj
U zajavie APKB źviarnuŭsia «da ŭsich biełarusaŭ zhurtavacca z adnoj metaj — vyzvaleńnia ad dyktatarskaha hniotu Łukašenki i rasijskaha pryhniotu».
Kabiniet ža, «jak adzinaja lehitymnaja ŭłada ŭ Biełarusi, biare na siabie adkaznaść za los Biełarusi i biełaruskaha naroda».
U suviazi z hetym jon
«— abviaščaje, što rašeńni «ŭrada» Łukašenki i jaho Rady biaśpieki nie majuć jurydyčnaj siły na terytoryi Biełarusi i pa-za jaje miežami;
— denansuje damovy ab stvareńni Sajuznaj dziaržavy Biełarusi i Rasii, abjaŭlaje ab vychadzie Respubliki Biełaruś z ADKB, JEAES i SND;
— ličyć niedapuščalnym udzieł biełaruskich vajskoŭcaŭ va ŭzbrojenym kanflikcie ŭ Rasii».
Taksama Kabiniet patrabuje nieadkładna zakryć miažu pamiž Biełaruśsiu i Rasijaj, zabiaśpiečyć vyvad rasijskich vojskaŭ ź Biełarusi, spynić padrychtoŭku da raźmiaščeńnia jadziernaj zbroi na terytoryi Biełarusi.
Akramia taho, APKB pryniaŭ rašeńnie ab stvareńni Apieratyŭna-situacyjnaha štaba i zaklikaje nacyjanalna aryjentavanyja siły Biełarusi padtrymać heta rašeńnie.
Čytajcie taksama:
Kamandzir pałka Kalinoŭskaha nazvaŭ padziei, što adbyvajucca, «pačatkam kanca vialikaj tyranii»
Valeryj Sachaščyk zaklikaŭ «abjadnać siły i ŭratavać radzimu»
