Śviatłana Cichanoŭskaja
U Rasii adbyvajecca chaos, jaki ŭsio bolš stanovicca padobny da hramadzianskaj vajny. PVK pad kantrolem Jaŭhiena Pryhožyna kinuła vyklik aficyjnaj uładzie Rasii praź niezadavolenaść tym, što Rasija prajhraje vajnu suprać Ukrainy. U FSB užo zaviali kryminalnuju spravu na Pryhožyna, a ŭ navinach my bačym, što vahnieraŭcy zaniali Rastoŭ i Varoniež.
Rasijskaja dyktatura raźviazała vajnu suprać Ukrainy, a ciapier pryniesła jaje ŭ svoj ułasny dom. Hety dośvied pavinien zapomnić kožny, chto choča pačać abo padtrymać ahresiŭnuju vajnu: vajna pahłynaje ŭsio vakoł siabie.
Łukašenka i Pucin sprabujuć uciahnuć u vajnu i našu Biełaruś. Jany prykryvajucca Sajuznaj dziaržavaj. Jany kažuć: Rasija — vaš sajuźnik. Ale hety sajuźnik niasie chaos, vajnu, kryzis. Pucin moža pasprabavać uciahnuć biełaruskich vajskoŭcaŭ u svoj unutrany kanflikt, kab jon staŭ i našym kanfliktam taksama.
Ja chaču zaklikać biełaruskich dypłamataŭ, čynoŭnikaŭ i siłavikoŭ pamiatać, što ŭ nas — biełarusaŭ — svaje nacyjanalnyja intaresy. Ni Pucin, ni Pryhožyn — nie siabry Biełarusi, i vy nie pavinny vybirać ich bok.
Biełarusy pavinny baranić svaju krainu. Jak hetaja situacyja paŭpłyvaje na Biełaruś — zaležyć tolki ad nas z vami.
Hałoŭnaja zadača ŭsich biełarusaŭ zaraz — zachavać biaśpieku i suvierenitet u Biełarusi. Vyratavać našu krainu ad taho, u što pieratvaryłasia Rasija. My pavinny być hatovyja da luboha scenara.
Ja taksama źviartajusia da biełaruskaj armii: my nie možam raźličvać na los i spadziavacca, što Rasija pakinie Biełaruś u spakoi.
Ciapier najlepšy šaniec vyhnać rasijskich vajskoŭcaŭ z našaj krainy. Kali hety šaniec budzie prapuščany, Rasija zrobić z nami hetak ža, jak z Ukrainaj.
Rasija nie zmahła ŭciahnuć biełarusaŭ u vajennyja dziejańni va Ukrainie.
My nie pavinny dazvolić, kab Biełaruś była ŭciahnutaja ŭ vajennyja dziejańni ŭ Rasii, i samaje hałoŭnaje — my nie pavinny dapuścić vajennych dziejańniaŭ Rasii ŭ nas doma, u Biełarusi. Biełaruś pavinna zakryć miažu z Rasijaj i pačać vyvad rasijskich vojskaŭ ź biełaruskaj terytoryi.
Siońnia ja stvaryła apieratyŭny štab. Jaho kiraŭnikom ja pryznačyła Valeryja Sachaščyka. My zaprašajem da ŭdziełu pradstaŭnikoŭ demakratyčnych struktur. My pravodzim kansultacyi z pałkom Kalinoŭskaha i biełaruskimi dobraachvotnikami. My sočym za situacyjaj. My budziem dabivacca mižnarodnaj padtrymki našych dziejańniaŭ.
Naša viera ŭ biełarusaŭ mocnaja — my viedajem, što biełarusy zaŭsiody abiaruć Biełaruś.
Čytajcie taksama:
