Fota: Wikimedia Commons
22 červienia Parłamienckaja asambleja Rady Jeŭropy (PARIE) pryniała adrazu niekalki rezalucyj. Adna ź ich datyčycca poŭnaj zabarony na dopusk biełaruskich i rasijskich spartsmienaŭ na Alimpijskija hulni navat u niejtralnym statusie.
Adpaviedny dakumient byŭ pryniaty z 71 hałasami «za» i 4 «suprać». U im adznačajecca nastojlivy zaklik da Mižnarodnaha alimpijskaha kamiteta adyści ad «praktyki niesurjoznych zabaron», bo heta «tolki zapeŭnivaje režymy Biełarusi i Rasii ŭ niby hatoŭnaści śvietu źmirycca ź ich złačynstvami».
«Udzieł biełarusaŭ i rasijan u Alimpijadzie absalutna niedapuščalny, tamu što ŭ ciapierašnich umovach heta budzie vykarystana ich prapahandaj i zrobić niemahčymym udzieł u turnirach inšych krain, asabliva Ukrainy. Pakolki elitnyja spartsmieny Biełarusi i Rasii całkam źviazanyja z uradami i siłavymi viedamstvami svaich krain, to navat demanstracyja ich niejtralitetu zdajecca čymści niemahčymym», — napisana ŭ rezalucyi PARIE.
Akramia hetaha, byli taksama ŭchvalenyja rezalucyi ab poŭnaj padtrymcy ŭstupleńnia Ukrainy ŭ NATA i poŭnaj zhodzie z ukrainskaj «formułaj miru», jakaja ŭ tym liku maje na ŭvazie ŭzmacnieńnie sankcyjnaha cisku na sajuźnikaŭ Rasii ahułam i Biełaruś u pryvatnaści.
Nahadajem, što zusim niadaŭna PARIE poŭnaj bolšaściu hałasoŭ padtrymała rezalucyju ab likvidacyi jurydyčnych pieraškodaŭ dla biełarusaŭ na emihracyi.
Čytajcie taksama:
Mižnarodnaja arhanizacyja pracy padtrymała rezalucyju ab pierahladzie adnosin ź Biełaruśsiu
Kitaj upieršyniu prahałasavaŭ za rezalucyju, dzie Rasija nazvanaja ahresaram
