Kale Łaanet. Fota: Justiitsministeerium
Tłumačačy nieabchodnaść abmiežavać častku žycharoŭ Estonii ŭ pravach, kaalicyjnyja palityki spasyłajucca na pahrozu biaśpiecy. Adnak mnohija ekśpierty nazvali heta niebiaśpiečnym precedentam, jaki supiarečyć Asnoŭnamu zakonu krainy.
Mierkavańni jurystaŭ pa hetym pytańni padzialilisia. Ministr justycyi Estonii Kale Łaanet adznačyŭ z hetaj nahody: «My pastarajemsia hłybiej praanalizavać hetyja mierkavańni, kab dakładniej zrazumieć, ci možam my abmiežavać vybarčaje prava ŭ hetym vypadku bieź nieabchodnaści mianiać Asnoŭny zakon. Siońnia meta ŭradavaj kaalicyi — znajści takija rašeńni, jakija nie zapatrabujuć źmieny Kanstytucyi».
Pavodle ministra, źmiena Kanstytucyi — vielmi surjoznaja sprava i heta «nadzvyčajny krok», tamu rabić heta nadta nie chaciełasia b. U toj ža čas jon upeŭnieny, što klučavaja prablema ŭ hetym vypadku ŭtrymlivajecca va ŭstanaŭleńni paniaćcia «pastajanny žychar» i vykazaŭ upeŭnienaść, što rašeńnie znojdziecca ŭ najbližejšyja miesiacy.
Čytajcie taksama: