Archäologie Büro dr. Woidich
Niamieckija archieołahi abviaścili, što znajšli staražytny mieč, jaki dosyć dobra zachavaŭsia dla artefakta epochi bronzavaha vieku, uzrost jakoha pieravyšaje 3000 hadoŭ, pra heta piša Bi-bi-si.
Bronzavy mieč z vaśmihrannaj rukajaćciu, znojdzieny ŭ staražytnym pachavańni ŭ horadzie Nierdlinhien, byŭ vykavany jašče ŭ kancy XIV stahodździa da našaj ery.
Adnak zachavałasia staražytnaja pryłada nastolki dobra, što — jak paviedamlaje Dziaržaŭnaje kiravańnie achovy pomnikaŭ Bavaryi — «da hetaha času praktyčna zichacić».
Mieč, a taksama masa inšych bronzavych pradmietaŭ prykładna toj ža epochi byli pachavanyja razam z pareštkami troch čałaviek — mužčyny, žančyny i chłopčyka.
Ci byli hetyja troje siamiejnikami, archieołahi pakul nie ŭpeŭnienyja. A vyklučnaja redkaść padobnaj znachodki stavić masu pytańniaŭ ab pachodžańni miača.
Bavarskija ŭłady śćviardžajuć, što vyrab takoha miača byŭ spravaj vielmi niaprostaj i patrabavaŭ asablivaha majsterstva, bo vaśmihrannuju rukajać vidavočna vykavali asobna, a zatym pryrabili da ŭžo hatovaha laza.
Pa słovach archieołahaŭ, mieč ź Nierdlinhiena naŭrad ci braŭ udzieł u bajach — adnak nasiŭ jaho ŭładalnik vidavočna akurat jak chałodnuju zbroju, a nie jak cyrymanijalnaje ŭpryhažeńnie.