Jak paviedamlaje manitorynhavaja hrupa «Biełaruski Hajun», z 18 maja 2023 hoda stali adznačacca navučalna-trenirovačnyja paloty novaha dla biełaruskaj armii samalota — Tu-134AK.
Hety bort prylacieŭ na aeradrom Mačuliščy 8 śniežnia 2022 hoda pad rehistracyjnym numaram RF-65681 PKS RF. Raniej jon doŭhi čas znachodziŭsia na zachoŭvańni ŭ RF, da pačatku 2022 hoda prajšoŭ kapitalny ramont i paśla apynuŭsia ŭ Biełarusi.
Z kanca 2022 hoda Tu-134 byŭ na minskim avijaramontnym zavodzie, a ŭžo ŭ mai 2023 hoda staŭ na kryło ŭ liŭrei MA RB. U Biełarusi bort atrymaŭ novy rehistracyjny numar — EW-772DV i ciapier dysłakujecca na aeradromie 50-j ZAB u Mačuliščach.
«Biełaruski Hajun» adznačaje, što Tu-134AK — pieršy pasažyrski samalot u rasparadžeńni MA RB, u jakoha jość bartavy tualet. Adnak skarystacca prybiralniaj zmohuć tolki vyšejšyja čyny US RB, bo samalot maje VIP-vykanańnie i pryznačany dla pieravozki vajskovaha kiraŭnictva.
Samalotu ŭžo kala 40 hadoŭ. Ciapier pavietranaje sudna ŭsio jašče prachodzić płanavy ablot, pavodle infarmacyi na partale dziaržaŭnych zakupak, u Mačuliščach jašče treba zakupić aeradromnuju asienizacyjnuju mašynu, kab nie źlivać adchody na pałasie.
